- Aurtengo Lautan Hiru antzerki-jaialdiak aurreko aldietako marka guztiak gainditu ditu. Programatu diren antzezlanen kalitateaz gain, zazpi edizioetan izan den ikusle-kopururik handiena izan du jaialdiak.
- Lautan Hiru egitasmoaren zazpigarren aldia lau ostegunetan egin da (otsailaren 6an, 13an, 20an eta 27an), eta guztira 8 ikuskizun eskaini dira. EHAZErekin batera antolatutako Ikusle-klubari ere eutsi zaio.
- Bilboko Udalak babesten du jaialdia, eta Euskaltzaindiak elkarlanean antolatu du egitaraua, hain zuzen, Tartean konpainia, BIRA Kulturgunea eta 7Katurekin batera.
- Aurtengo edizioaren irudiak (bideoa): https://labur.eus/dhog8hz6
Iruzkin berria idatzi
- Euskaraz egiten den ahozko jardunari (euskarazko hizkerari) buruzko ikerketa zientifikoak bultzatzeko xedea dute deialdiek. Euskaltzaindiak, Mintzola egitasmoaren bidez, Gipuzkoako Foru Aldundiarekiko lankidetzan bideratzen ditu ikerketa-sari hauek.
- Garbiñe Mendizabal (Gipuzkoako Foru Aldundiko Hizkuntza Berdintasunerako zuzendari nagusia): «Mintzola jaio zenean, bi helburu ziren sortu zutenen pentsamenduan. Batetik, euskarazko ahozko tradizioaren behatoki dinamikoa izatea; eta, bestetik, gizarteak dituen ahozko komunikazio premiei erantzun egokia ematea. Deialdi hauek bete-betean gauzatzen dute sorrerako helburu bikoitza».
- Jon Sarasua (Mintzola egitasmoaren zuzendaria): «Mintzolak egindako sari-deialdi hauetan ikusi duguna da badagoela harrobia, zainduz gero fruituak eman ditzakeena. Gradu- eta master- mailetako lanak izateko, maila oso aipagarria erakutsi dute lan askok, kode-alternantziaren gaian, hitanoaren gaian, euskalkien gaian eta hizkerari lotutako beste hainbat adarretan. Ikertzeko gaitasuna eta gogoa erakusten duten gazteei bidea egiteko aukerak irekitzen asmatu behar dugu».
- Euskaltzaindiak sustatzen duen Euskararen Historia Soziala egitasmoaren arduradunak (Mikel Zalbide EHSren zuzendaria eta Lionel Joly teknikaria) harremanetan daude atzerriko adituekin. Elkarlan horren ondorioz, EHSren eta Cahiers Internationaux de Sociolinguistique aldizkariaren arteko lan-mintegi telematikoa izango da bihar.
- Mintegi honen xedea da ikerbidea etengabe hobetu eta, elkarren arrimuan, jakintza-esparru horren emaitzak han-hemen ezagutaraztea.
- Zentzu berean, Iura Vasconiae Fundazioak ere mintegi telematikoa antolatu zuten martxoaren 6an, soziolinguistika historikoaren arlo metodologikoa lantzeko. Mintegi horretan ere parte hartu zuten Mikel Zalbidek eta Lionel Jolyk.
- Bilbao Bizkaia Kutxa Fundazioak eta Euskaltzaindiak liburu berri bat plazaratu dute elkarlanean, hain zuzen, 2023ko R.M. Azkue Literatura Sarietan gailendutako narrazioak eta olerkiak biltzen dituena.
- Lehiaketarekin zein liburuarekin, euskal-ikasleak literaturgintzara bultzatzeaz gainera, beraien irakurzaletasuna indartu nahi da.
- Liburua eskuratzeko, Elkar liburudendetan eta Euskaltzaindiaren webgunean
- Baionako Biltxokok hartuko du gaualdia, eta saio berean bi ikuskizun emango dira, 19:00etatik aurrera: Pantzo Hirigarairen Dolu eta Markos Goikolearen Beren izenez. Baionako Herriko Etxeak eta Euskal Kultur Erakundeak laguntzen dute ekimena.
- Euskararen Akademiak Bilboko BIRA Kulturarekin, Tartean konpainiarekin eta 7Katu gaztetxearekin batera antolatzen duen Lautan Hiru antzerki-jaialdiaren luzapena da Baionako emanaldia. Lautan Hiruk zazpigarren aldia bete du aurten, eta antzezlan laburrak eskaintzen dira bertan.
- EITBk eta Euskaltzaindiak bien arteko lankidetza indartzeko 2025-2028 aldirako hitzarmena sinatu dute
- ‘Euskorpus’: euskara adimen artifizialaren iraultzara eramango duen proiektua
- Ehun pertsonak baino gehiagok parte hartu dute Euskaltzaindiaren ortotipografiari buruzko ikastaroetan
- Luis Mari Zaldua Etxaberen hitzaldia Gasteizen
