- Arangurengo Kultura-etxean (Mutiloa) izanen da ikusgai, astelehenetik ostiralera (09:00-21:00); eta ostiraletan (09:00-13:00 / 14:00-21:00).
- Euskaltzaindiak Nafarroako Gobernuaren eta Aranguren Ibarreko Udalaren babesarekin antolatu du erakusketa.
- Pirinioetan elkarrekin bizi diren hizkuntza guztien ezaugarri nagusiak eta mugarri historikoak biltzen ditu erakusketak, modu dibulgatiboan. Erakusketa honek beste erakusketa batekin ere badu lotura, hain zuzen, Euskararen Herri Hizkeren Atlasean oinarrituta dagoen Euskara Ibiltariarekin (lotura hau QR bidez egin daiteke).
Iruzkin berria idatzi
- Euskaltzaidiak bi hitzaldi antolatu ditu urriaren 8rako, tokian tokiko erakundeekin batera.
- Gasteizen izango da lehenengoa, Izaskun Arrue kulturguneko antzokian, 19:00etan. Euskara Gasteizen, berariazko bidea eginez (Iñaki Iurrebaso UEMAko ikerlariaren eta Iñaki Martinez de Luna ohorezko euskaltzainaren eskutik). Gasteizko Udalarekin eta Arabako Foru Aldundiarekin elkarlanean.
- Bigarrena Lizarran izango da, Frai Diego kultur etxean, 18:30ean. Euskaltzaletasunaren hariak Lizarran, gazteen artean (Ainhoa Pardina EHUko doktoregaiaren eskutik). Lizarrako Udalarekin elkarlanean.
- Euskaltzaindiak poesiari lotutako jaialdia antolatu du laugarrenez, Itsasuko Herriko Etxearekin elkarlanean eta Euskararen Erakunde Publikoaren eta Euskal Kultur Erakundearen babesarekin.
- Irailaren 26an eta 27an izan da aurtengo aldia eta, ohi bezala, euskal poeten lana hauspotu nahi izan du Akademiak. Halaber, beste bazter batzuetako sortzaileen lanak ere aintzat hartzen dira: aurten, Abdul Hadi Sadoun idazle, irakasle eta itzultzaile irakiarra gonbidatu da.
- AEKk eta Euskaltzaindiak bost urterako lankidetza-hitzarmena sinatu dute gaur Bilbon, Akademiaren egoitzan. Lurdes Etxezarreta AEKren ordezkariak eta Andres Urrutia euskaltzainburuak izenpetu dute dokumentua.
- Akordio berriarekin, AEKk sortutako euskarazko edukiak Euskararen Erreferentzia Corpusa (EEC) aberasteko erabiliko ditu Euskaltzaindiak. Hain zuzen, Akademiak material hori guztia erabiliko du Euskararen Erreferentzia Corpusaren barruan indexatzeko, analisi estatistikoa egiteko eta tratamendu lexikografikoa egiteko.
- Urriaren 13an, arriskuan dagoen toponimia aztertuko du Unai Zaballa Euskaltzaindiaren teknikariak. Urriaren 20an, Zerua eta elementuak herri hizkeran berbaldia emango dute Monike Egia eta Zuriñe Goitia Euskaltzaindiaren teknikariek. Euskaltzaindiaren egoitzan (Plaza Barria 15, Bilbo - Bizkaia) izango dira bi mintzaldiak, 19:00etan.
- Izen-ematea hemen: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 944 15 81 55
