- Orain arte, 32 emanaldi eskaini ditu Tartean Teatro konpainiak, eta beste 15 dituzte lotuta, urritik aitzina.
- Honela, mendeurrenaren baitan Euskaltzaindiak Tartean-ekin batera ekoiztutako antzezlana Baionan (urriaren 8an), Gernikan (11n), Donostian (12an), Getxon (13an), Lauro Ikastolan (Bizkaia -17an-), Durangon (24an) eta Eibarren (25ean) ikusi ahal izango da.
- Patxo Telleriak idatzi du Ghero, azken euskalduna-ren gidoia, eta Jokin Oregi da antzezlanaren zuzendaria. Mikel Martinez, Patxo Telleria, Olatz Ganboa, Iñaki Maruri eta Ane Pikaza dira antzezleak.
(Argazkiak: Guillermo Casas)
- Euskal Idazleen Elkarteak eta Euskaltzaindiak bost urteko iraupena duen lankidetza-hitzarmena sinatu dute. Garbiñe Ubeda EIEko lehendakariak (Ibarra, Gipuzkoa, 1967) akordioaren garrantzia azpimarratu du, eta, bide batez, elkartearen nondik-norakoak azaldu ditu Plazaberrin.
- G. Ubeda: “Euskarari balioa eman behar zaio. Eta balioa emateko, ekonomiaren eta garapenaren parte izan behar du”.
Gehiago irakurri: Garbiñe Ubeda (EIE): “Literatur sistema elitista eta zurruna da”
- Euskaltzaindiaren 2018ko Oroitidazkia Akademiaren webgunean bertan irakur daiteke, jada.
- Akademiak 2018an egin zituen lanen berri ematen duen txostena da Oroitidazkia, eta PDF formatuan eskaintzen da.
- Ohi bezala, 2018ko Oroitidazkiak ondoko atalak ditu: Xabier Kintana Akademiaren idazkariaren sarrera, Erakundearen jarduerak; Akademia jarduera; Erakundearen zerbitzuak; Herri administrazio eta erakundeak; Webgunea eta gizarteratze lana; eta Euskaltzaindiaren balantzea eta galdu-irabazien kontua.
- Irailaren 12an (egun osoa) eta 13an (egun erdia) izanen da, Donostiako Tabakaleran.
- Honako helburu hauek ditu iraileko jardunaldiak:
- XXI. mendean Euskaltzaindiaren lana aurrera doa Iker eta Jagon sailetan. Jardunaldi honetan garatu nahi da euskararen estandarizazioa nola bizkor daitekeen, garai hauetan egunerokoa eta ezinbestekoa bihurtu den ingurune digitalaren bitartez.
- Beste hizkuntzetako esperientziak ezagutuz eta Euskaltzaindiarenak ere azalduz, helburua da aurrera egitea euskalgintzarekin batera, euskararen estandarizazio horren formulazioan, ebaluazioan eta zabalkuntza bidean. - Informazio gehiago, HEMEN
- Izen-ematea (irailaren 9ra arte): Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko./
944158155/ 943428050/ 948223471/ 0559256426
- EIEk eta Euskararen Akademiak lankidetza-hitzarmena sinatu dute gaur; akordioak bost urteko iraupena izango du.
- Bi erakundeon arteko elkarlana euskararen eta euskal kulturaren sorkuntzarako, sustapenerako, garapenerako eta zabalkunderako proposatzen diren egitasmoen inguruan gauzatuko da.
- Andres Urrutia (euskaltzainburua): “Euskaltzaindiarentzat guztiz pozgarria eta onuragarria da EIErekin gune berria zabaltzea, bi erakundeok aspalditik daukagulako euskararekiko kezka. Une honetan, gogoratu beharrekoa da Juan San Martin euskaltzainaren jarduna, EIEren bultzatzaile nekaezina eta euskararen alorrean eragileen arteko zubigintza etengabe sustatu zuen euskaltzalea”.
