- Hitz ugari ditugu euskaraz elur-kontuez aritzeko. Adibidez, ‘elurra egiten duenean erortzen diren kristal-multzo arinetako bakoitza’ izendatzeko, honako forma hauek guztiak jaso ditu hiztegi arauemaileak: maluta, mataza, elur(-)maluta, elur(-)mataza, elur(-)luma, elur(-)malo.
- Elur(-)txingo ere arautua dago ‘elur-maluta txiki eta lehorra’ adierarekin.
Irakurri gehiago: «Elurbusti», ez «elur busti» Iruzkin berria idatzi
- Euskaltzaindiak aurreko urtean hildako euskaltzainak omendu ohi ditu urtero-urtero. Ohiturari jarraituz, iaz zendutakoei gorazarre berezia egingo die Akademiak ostiralean, urtarrilak 27 dituela, Donostiako Luis Villasante Euskararen Ikergunean.
- Akademiak 10etan egingo du Osoko bilkura, eta Ageriko bilkura 12:00etan hasiko da.
- LAUTAN HIRU antzerki txikia, festibal handia egitasmoaren bosgarren aldia lau ostegunetan egingo da (otsailaren 2an, 9an, 16an eta 23an), eta guztira 9 ekitaldi eskainiko dira: sei antzezpen, solasaldi taularatu bat, irakurraldi dramatizatu bat eta Ganbila bildumaren aurkezpena. EHAZErekin batera antolatutako Ikusle-klubari ere eutsiko zaio.
- Bilboko Udalak babesten du jaialdia, eta, urtero lez, Euskaltzaindiak elkarlanean antolatu du egitaraua, hain zuzen, Cafe Bar Bilbao eta BIRA Kulturgunearekin batera. Ostera, lanak erakusteko bost espazio hautatu dira (iaz baino bat gehiago): BIRA, Cafe Bar Bilbao, Euskaltzaindia, 7Katu gaztetxea eta AEKren Kalderapeko kuturgunea.
- Erakusketa gaur inauguratu da Bizkaiko Batzar Nagusietako Bilboko egoitzan (Hurtado Ametzaga, 6); bertan, irudi eta grafikoak baliatuz, euskal historian garrantzia izan duten euskarazko testu juridikoak erakutsiko dira.
- Erakusketa ibiltaria Euskaltzaindiak antolatu du, Eusko Legebiltzarrarekin, Nafarroako Parlamentuarekin, eta Bizkaiko, Arabako eta Gipuzkoako batzar nagusiekin elkarlanean.
- Gotzon Lobera (legelaria eta erakusketaren koordinatzailea): “Erakusketa honek mendeetan zehar ezkutatu izan den errealitatea azaleratu nahi du: euskara duela mende askotatik egon dela presente euskararen lurraldeetan bizi ziren pertsonen harreman juridiko pribatuetan, baita lurralde horietako instituzioen jarduera administratiboan ere".
- Sebastian patroia dela eta, Donostian, Azpeitian, Tafallan eta beste herri batzuetan ospatzen den egunari San Sebastian eguna esaten zaio, ez *Donostia eguna.
- Era berean, santu horren omenez jotzen den martxa ezagunaren izena San Sebastian martxa da, ez *Donostia martxa edo *Donostiako martxa.
