Bilatu ea erantzunda dagoen.
Ezkerreko formularioan (smartphoneetan, goiko formularioan), "Bilaketa" eremuan egin behar duzu kontsulta.
Jagonet hizkuntzaren gaineko kontsulta-zerbitzu bat da, Akademiak Internet bidez herritarren esku jartzen duena. Zerbitzuak bi helburu nagusi ditu: bata, euskararen erabilera zuzena eta egokia bermatzea, eta, bestea, erabilera horren gaineko zalantzak argitzea. Zerbitzu honetara jotzen duen erabiltzaileak bi aukera izanen ditu: hizkuntza-zalantza datu-basean bilatzea eta, erantzunik aurkitzen ez badu, galdera egitea. Informazio gehiago →
Bilatu ea erantzunda dagoen.
Ezkerreko formularioan (smartphoneetan, goiko formularioan), "Bilaketa" eremuan egin behar duzu kontsulta.
Ez baduzu erantzunik aurkitu, bidali zure kontsulta.
Horretarako, ezkerreko formularioan (smartphoneetan, goiko formularioan), erabili "Galdera egin" eremua.
Aski mugatuak al daude -rainoren eta arteren eremuak?
1.) Juntagailuei buruzko gomendioen artean, hau agintzen zen: "ez da onartzen lehen juntagaia kasu-markarik gabeko izen-sintagma izatea eta bigarrena kasu markaduna izatea". Hori dela eta, lehenik jakin nahi genuke gomendio-erabaki horrek ere indarra ote duen juntagaiak bi baino gehiago direnean. Alegia, nola idatzi behar genuke: Toki Entitateen Antolakuntzari, Funtzionamenduari eta Araubide Juridikoari buruzko Legea ala Toki Entitateen Antolakuntza, Funtzionamendu eta Araubide Juridikoari buruzko Legea?
2.) Delako arauak, bertzalde, juntagaia izena + adjektiboa + adjektiboa denean ere balio du? Erran nahi baita: Sección de Gestión Técnica y Administrativa izenekoa zer da, Kudeaketa Tekniko eta Administratiborako Atala ala Kudeaketa Teknikorako eta Administratiborako Atala?
3.) Araua betetzeak, bertzalde, arazoak sortzen dizkigu izenlagunak elkarren ondoan pilatu behar ditugunean; izan ere, testuak ilun samarturik gelditzen baitzaizkigu. Konparazione, emandako arauari jarraituz: Langileriaren Kudeaketarako eta Administraziorako Atala berdin izan daiteke: Sección de Gestión de Personal y Administración edo Sección de Gestión y Administración de Personal. Aldiz, Langileriaren Kudeaketa eta Administraziorako Atalak zilegia balitz, ordain bakarra izanen luke erdaraz: Sección de Gestión y Administración de Personal.
4.) Berdintsu gertatzen da kasu honetan: Segurtasuneko Ikerketaren eta Ikasketen Atala. Hala behar luke, behintzat, Euskaltzaindiaren azken erabakien ariora. Alabaina, nola jakin kasu horretan segurtasuneko hori ikerketari soilik dagokion ala ikasketei ere? Modu bakarra erdarazko izenari begiratzea da: Sección de Estudios de Seguridad y Formación.
Zer-nola jokatu behar dugu aukera bat baino gehiago dugunean edota arautu gabeko sintaxi-egituren kontuan?
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.