- Galdakaoko ospitalean hil da, bart, 84 urte zituela. Hileta-elizkizuna asteartean izango da, Markina-Xemeingo Karmeldarren elizan, 6etan (beilatokirik ez da izango).
- Andres Urrutia (euskaltzainburua): «Euskaltzale prestua, poeta paregabea, itzultzaile aparta eta ereduzko euskaltzaina izan da Luis Baraiazarra».
- Meñakan (Bizkaia) jaio zen Baraiazarra, 1940ko martxoaren 17an. Euskal Filologian lizentziaduna (Deustuko Unibertsitatea), irakasle, idazle eta itzultzaile lanetan nabarmendu da karmeldar meñakarra. Euskaltzaindiak urgazle izendatu zuen 1996ko martxoaren 29an eta ohorezko 2010eko urtarrilaren 29an. Akademian, batzorde ugaritan egin du lan: Hiztegi Batuko lantaldean (1993-2017), Gramatika batzordean (1997-2007), Euskaltzaindiaren Hiztegia batzordean eta Adierak eta adibideak lantaldean.
- Itzulpen lan ederrak egin ditu Baraiazarrak, baina bat nabarmentzekotan, hauxe: Santa Teresa Jesusenaren idazlan guztiak.
Irakurri gehiago: Luis Baraiazarra idazle, itzultzaile eta ohorezko euskaltzaina zendu da Iruzkin berria idatzi
- Iaz abiatutako ibilbideari jarraituz, Euskaltzaindiak Mintzola mintegia antolatu du urriaren 16rako. Honela, goiz bakarreko jardunaldian, 2024ko ikerketa-sarien deialdietan sarituak izan diren ikertzaileek euren lanen emaitzak ‒bai gradu- eta master-amaierakoak, bai monografikoak‒ jendaurrean azaltzeko aukera izango dute. Horrez gain, Arikala egitasmoa eta Eñaut Agirreren Ahozko hizkeraren ezaugarriak azterlana ere aurkeztuko dira.
- Mintegia Gipuzkoako Foru Aldundiak babestu du, eta irekia eta doakoa da; nolanahi ere, ezinbestekoa da aurrez izena ematea 943428050 telefono zenbakira deituta, edo Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera idatzita.
- Egitaraua HEMEN
- 2024ko R. M. Azkue Literatura Sarietara lanak bidaltzeko epea zabalik dago. 2024ko abenduaren 30ean amaituko da, eta erabakiak 2025eko apirilaren 30a baino lehen iragarriko dira.
- 180 eta 300 euro bitarteko sariak emango dira, narrazioan zein olerkian, eta parte-hartzea bultzatu guran, 500 euroko saria emango zaio lehiaketara ikasle gehien aurkezten duen ikastetxeari.
- Zalantzarik izanez gero, deitu +34 94 4158155 telefono zenbakira edo idatzi Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbide elektronikora.
- Oinarriak HEMEN
(Argazkian, 2023ko lehiaketaren saridunak)
- Hitzarmenak bost urteko iraupena izango du eta bi sinatzaileek lankidetzan jardungo dute ikastolako profesionalen hizkuntza-maila jasotzeko asmoz zehaztutako ekimenetan, bai eta Euskaltzaindiak euskararen batasunerako eman dituen eta ematen dituen arauen zabalkundean ere.
- Mikel Makazaga (Olabide Ikastolako zuzendaria): «Mundutik Olabidera eta Olabidetik mundura zabaldu nahiko genuke euskara eta euskaltzaletasuna eta bide horretan Euskaltzaindia bidelagun paregabea da, Gasteiz eta Araba euskalduna eraikitzeko».
- Roberto González de Viñaspre (Euskaltzaindiaren Arabako ordezkaria): «Hirurogei urte daramatza Olabide ikastolak euskararen hazia zabaltzen Gasteizen eta Araba osoan. Hitzarmen honek lan emankor hori aitortzen dio, eta aukera bikaina ematen digu euskararen normalizazioaren bidean elkarlanean aritzeko».
- Bortzirietako Euskara Mankomunitateak eta Euskaltzaindiak Pello Apezetxea Zubiri euskaltzalea omentzeko lehen beka sortu zuten 2023an.
- Jon Martin Etxebeste, Paula Laita Pallares eta Ane Osua Cabida izan ziren bekaren irabazleak, eta gaur aurkeztu dute lanaren emaitza: Bortzirietako hizkuntza aniztasuna eta migratzaileen euskararekiko jarrerak aztertu dituzte.
- Deialdiaren helburuak nabarmendu ditu Sagrario Aleman Euskaltzaindiaren Nafarroako ordezkariak: «Batetik, Pello Apezetxea ohorezko euskaltzaina omendu nahi genuen, eta, bestetik, soziolinguistika, dialektologia edota onomastika arloetarako ikerketa lan bat egiteko beka eman nahi genuen, Pellok egindako ikerketei segida emateko».
- Ez *merkatal, ez *nekazal
- «Ipar Euskal Herrian ez daiteke erran poesia hilzorian dela: idatzizko genero literario gisa ez dabil osasun onean, baina beste forma batzuen bidez dirau»
- Hizkuntzen Europako Egunean, Espainiako Diputatuen Kongresuan izan da Euskaltzaindia
- Euskaltzaindiak Nafarroako Parlamentuan egin du iraileko Osoko Bilkura
