- Margarita Nafarroako erregina (1492-1549). Antzezlanak eta gutunak ikerlana plazaratu du Euskaltzaindiak, Euskararen Erakunde Publikoaren laguntzaz.
- Ixabel Etxeberria ikerlari urruñarrak paratu du Euskaltzainak bildumako 42. argitalpena.
- Liburua eskuratzeko, HEMEN
- Bideoa ikusteko: https://labur.eus/3KDW5
Iruzkin berria idatzi
- 2022ko azaroaren 26an, Euskaltzaindiak euskaltzain oso izendatu zuen Andres Alberdi eta pasa den larunbatean irakurri zuen sarrera-hitzaldia, Getariako udaletxean. Mikel Zalbide euskaltzain osoak eman zion erantzuna.
- Ekitaldiaren laburpen-bideoa, hemen: https://labur.eus/KoqP7
- Euskaltzaindiak liburu berri bat aurkeztuko du bihar jendaurrean, hain zuzen, Ixabel Etxeberria ikerlari eta euskaltzain urgazlearen Margarita, Nafarroako erregina (1492-1549). Antzezlanak eta gutunak.
- Baionako Museoan izanen da aurkezpena, arratsaldeko 18:00etan (mintzaldia euskaraz izanen da, aldibereko itzulpenarekin).
- Euskararen Erakunde Publikoaren laguntzaz argitaratu da liburua.
- Euskaltzaindiak eta Bortzirietako Euskara Mankomunitateak Euskara ibiltaria erakusketa aurkeztu dute Beran. Azaroaren 27tik abenduaren 8ra egonen da zabalik eta sarrera doan izanen da. Euskaraz, gaztelaniaz, ingelesez eta frantsesez egindako erakusketa honek Nafarroako Gobernuaren eta Laboral Kutxaren babesa du.
- Inguruko ikastetxeetako eta elkarteetako 500 bat lagunek badute jada hitzordua bisita gidatua egiteko. Herritarrendako bisita gidatu irekia azaroaren 29a izanen da, 19:00etan.
- Aitor Elexpuru (Berako alkatea): “2019. urteaz geroztik, Beran antolatzen dugun Uscaldunac garen ezquero ekimenak gogoz hartu du Euskara ibiltaria erakusketa bere aurtengo edizioan. Herritarrei Euskal Herriko hizkeren aniztasuna erakusteko bertze modu bat da”.
- Sagrario Aleman (Euskaltzaindiaren Nafarroako ordezkaria): “Euskalkia bizirik dagoen eskualde honetako herritarrek inguruko euskalkiekin dituzten diferentziak nabarmentzeko balioko du erakusketak”.
- Ataungo Udalak eta Euskararen Akademiak 2020an izenpetutako hitzarmenari esker onomastikari ataundarrak egin zuen toponimia bilketa-lana aztertu, atondu eta digitalizatzeko aukera izan da azken urteotan. Hau dena, Joxemartin Apalategi Begiristain ikerketa-bekaren eskutik egin da.
- Orain, hori dena Euskaltzaindiaren webgunean kontsulta daiteke, hain zuzen, Tokiko onomastika bildumak atalean. Besteak beste, Dorronsorok eginiko krokisak agertzen dira bertan, eta materiala hiru modutara kontsulta daiteke: leku-izenak izaeraren arabera; kokalekuen arabera eta bilduma guztia alfabetoaren ordenan.
- Luis Mari Zaldua (Euskaltzaindiaren Onomastika batzordeko kidea): “Joan Arin Dorronsoro onomastikari modernoa ez ezik, aitzindaria izan zen euskal toponimiaren ikerketan, leku izenen ahozko nahiz idatzizko aipamenak, informazio geografikoa (krokisak) eta etimologia arloko azalpenak bateratu baitzituen”.