- Ataungo Udalak eta Euskararen Akademiak 2020an izenpetutako hitzarmenari esker onomastikari ataundarrak egin zuen toponimia bilketa-lana aztertu, atondu eta digitalizatzeko aukera izan da azken urteotan. Hau dena, Joxemartin Apalategi Begiristain ikerketa-bekaren eskutik egin da.
- Orain, hori dena Euskaltzaindiaren webgunean kontsulta daiteke, hain zuzen, Tokiko onomastika bildumak atalean. Besteak beste, Dorronsorok eginiko krokisak agertzen dira bertan, eta materiala hiru modutara kontsulta daiteke: leku-izenak izaeraren arabera; kokalekuen arabera eta bilduma guztia alfabetoaren ordenan.
- Luis Mari Zaldua (Euskaltzaindiaren Onomastika batzordeko kidea): “Joan Arin Dorronsoro onomastikari modernoa ez ezik, aitzindaria izan zen euskal toponimiaren ikerketan, leku izenen ahozko nahiz idatzizko aipamenak, informazio geografikoa (krokisak) eta etimologia arloko azalpenak bateratu baitzituen”.
Irakurri gehiago: Joan Arin Dorronsororen ‘Material toponímico’ bilduma eskuragarri dago Euskaltzaindiaren webgunean Iruzkin berria idatzi
- Igandean, Jose Manuel eta Juan Manuel Urtasun-Lakidain anaiak omendu zituzten Euskaltzaindiak eta Zildozko Kontzejuak (Nafarroa).
- Gorazarrea Jose Manuel Urtasunen jaiotzaren 250. urteurrenaren egunean egin zen eta haren jaiotetxean, Perutxenean, oroigarria jarri zuten bi predikugileen ohoretan.
- Ekaitz Santazilia (ikerlaria): “Perutxeneko Urtasun-Lakidain anaien euskal testuen bildumak argi uzten du Ezkabarten euskara hizkuntza ohikoa izan dela XIX. mende erditsura arte.
- 2022ko azaroaren 26an, Euskaltzaindiak euskaltzain oso izendatu zuen Andres Alberdi eta gaur irakurri du sarrera-hitzaldia, Getariako udaletxean. Mikel Zalbide euskaltzain osoak eman dio erantzuna.
- Bere mintzaldian, arauekin izan duen bizipen pertsonalez eta harremanez jardun du Andres Alberdik. Ondoren, euskaltzain berriak karguaren zina egin du eta euskaltzain osoaren domina, diploma eta ikurra jaso ditu.
- Besteak beste, ekitaldian parte hartu dute herriko Salbatore abesbatzak, Uxue Alberdi bertsolariak –Andres Alberdiren alaba– eta Eñaut Elorrieta musikariak.
- 2023ko R. M. Azkue Literatura Sarietara lanak bidaltzeko epea zabalik dago. 2024ko otsailaren 29an amaituko da, eta epaimahaikoen erabakiak 2024ko apirilaren 30a baino lehen iragarriko dira.
- 180 eta 300 euro bitarteko sariak emango dira, narrazioan zein olerkian, eta parte-hartzea bultzatu guran, 500 euroko saria emango zaio lehiaketara ikasle gehien aurkezten duen ikastetxeari.
- Oinarri-arauak, hemen.
- 2022ko azaroaren 26an, Euskaltzaindiak euskaltzain oso izendatu zuen Andres Alberdi eta datorren larunbatean, azaroak 25 dituela, irakurriko du sarrera-hitzaldia Getarian. Mikel Zalbide euskaltzain osoak emango dio erantzuna.
- Harrera-ekitaldia Getariako udaletxean izango da, 12:00etan.
- Bere mintzaldian, arauekin izan duen bizipen pertsonalez eta harremanez ariko da Andres Alberdi.
- Musikako artelanen izenen araua argitaratu du Euskaltzaindiak
- ‘Euskara Ezkabarten, paperetik ahora’: euskarak ibarrean izan duen lekua hobeki ezagutzeko erakusketa
- XXVIII. Jagon jardunaldia: 'Euskararen Gogoetagunea' (lapurpen-bideoa)
- Hedabideetan, helduen euskalduntzean eta administrazioan euskara biziberritzeko etorkizun-ikuspegiari buruzko ponentziak aztertu ditu ‘Euskararen Gogoetaguneak’