- Irailekoak poesia-jaialdiaren bigarren aldia hitzaldi mamitsu batekin estreinatu da: Katixa Dolhare-Zaldunbide Ipar Euskal Herriko poesiaren argiak eta itzalak aztertu ditu, 1940tik hasi eta gaurdaino. Iparraldeko poesiaren norabidea marraztu du irakasleak, ohar deigarri eta interesgarriak erantsiz bere lanari.
- Bihar goizean, okzitanierazko literatura aztertuko du Sergi Javaloyes idazle eta itzultzaileak, eta irakurraldi elebiduna ere izango da, Aurelia Lassaca poetaren eskutik.
- Euskaltzaindiak antolatu du poesiari lotutako jaialdia, Itsasuko Herriko Etxearekin elkarlanean eta Euskararen Erakunde Publikoaren eta Euskal Kultur Erakundearen babesarekin.
Irakurri gehiago: «Ipar Euskal Herrian ez daiteke erran poesia hilzorian dela: idatzizko genero literario gisa ez... Iruzkin berria idatzi
- Hizkuntzen Europako Eguna zela eta, Euskaltzaindia Madrilgo Diputatuen Kongresuan izan zen atzo. Honela, Espainiako gobernuak antolatutako ekitaldian parte hartu zuen Andres Urrutia euskaltzainburuak, Estatuko beste hizkuntza ofizialetako ordezkariekin batera.
- Francina Armengol Kongresuko presidenteak eta Ernest Urtasun Espainiako Estatuko Kultura ministroak estreinatu zuten ekitaldia, sarrera-mintzaldi bana eginez; ondoren, Estatuko hizkuntza ofizialetako ordezkariek hitz egin zuten, eta, azkenik, Rozalén kantariak Xabier Leteren Xalbadorren heriotzean interpretatu zuen, bertan bildutako guztien txalo zaparrada jaso zuela.
- Euskaltzaindiak Nafarroako Parlamentuan egin du iraileko Osoko Bilkura. Aurretik, Unai Uhalde Parlamentuko lehendakariak harrera egin die euskaltzainei. Bere hitzaldian, Uhaldek eskatu dio Euskaltzaindiari euskararen sustapenean eta garapenean laguntzen jarrai dezala.
- Beriainen (Nafarroa) jaio zen Francisco Javier Oroz, 1934ko abenduaren 2an. Filologia Erromanikoan doktorea (Münsterreko Unibertsitatea), Tubingako Unibertsitateko irakasle emeritua, ohorezko euskaltzain izendatu zuen Euskaltzaindiak 2004ko azaroaren 26an.
- Organista aritu zen Erroman eta Münsterreko Saint Michael elizan. Tübingengo Romania Cantat abesbatzako zuzendaria ere izan zen. Musikagile gisa hainbat lan ondu zituen: Nire aitaren etxea, Gernika ostadarra, Canon pro pace eta Vasconia cantat bildumak, esaterako.
- 1960tik aurrera, filologo lanetan aritu zen. Bitxikeria bezala, aipatu behar da Gabriel Arestiren Nire aitaren etxea defendituko dut poemaren ehunka itzulpen bildu zituela Orozek.
- Euskaltzaindiaren Zuzendaritza batzordea Zangozako udaletxean batzartu zen atzo. Ondoren, ikastola bisitatu zuten Akademiaren ordezkariek.
- Urriaren 20koa Zangozako ikastolak antolatzen duen laugarren Nafarroa Oinez izanen da.
- Bideoa ikusteko: https://labur.eus/0Y11m
