- Euskararen Erakunde Publikoak diruz lagunduta, LABORANTZA. Laborantzatik hobeki bizitzeko liburua argitaratu zuen iaz Euskaltzaindiak. Adrien Gachiteguy apaizak ondu zuen liburua, Leon Aguerre kalonjearen laguntzarekin.
- Liburua 1963an argitaratu zen, euskaraz, eta ikasle laborari gazteentzat idatzita dago.
- Henri Duhau ohorezko euskaltzaina izan da edizioaren paratzailea: "Gauza oso arraroa dugu eskuetan. Oroz gainetik, erran nezake, euskaldungoaren alde egin balentria bikain baten gisara hartzen dugula gaur".
- Liburua eskuratzeko, HEMEN
(Irudietan: koloretan, Henri Duhau; zuri-beltzean, Adrien Gachiteguy apaiza).
Irakurri gehiago: Henri Duhau: "LABORANTZATIK HOBEKI BIZITZEKO lana garai bateko euskaldungoaren lekukotasun bikaina... Iruzkin berria idatzi
- Kalean da Narrazioak eta olerkiak 2019 liburua. BBK-k eta Euskaltzaindiak deitutako 2019 Resurreccion Maria Azkue sarietan irabazle izandako lanak biltzen dira argitalpen honetan (2020ko irailean izan zen sari-ematea),
- 1991tik Euskaltzaindiak eta BBK-k antolatzen dituzten sari hauen xedea da idazle gazteak literatura mundura erakartzea.
- Lan berria Elkar liburu-dendatan eros daiteke, eta Euskaltzaindiaren webgunean ere bai, HEMEN
- Amaitu berri den urte zailean, gora egin du Akademiaren webguneari lotutako ekierak. 2020an, 778.234 erabiltzaile izan ditu Euskaltzaindiaren webguneak, saioak 1.605.641 izan dira, 6.636.765 orrialde bisitatu dituzte erabiltzaileek, eta saio bakoitzaren iraupena ia bost minutukoa izan da.
- 2019ko datuekin alderatuta -hau da, mendeurrenaren urteko datuekin erkatuta-, erabiltzaileen jaitsiera txikia sumatu da; aitzitik, erabiltzaileek maizago eta denbora luzeagoz erabili izan dituzte webguneko tresna eta zerbitzuak. Hortaz, ondorioztatu daiteke 2020an erabiltzaileen fideltasuna hobetzea lortu duela Euskaltzaindiak.
- Gaur egun 146.366 sarrera eta 57.016 azpisarrera ditu Orotariko Euskal Hiztegiak eta kopuru hori handituz doa egituratze-lanak aurrera egin ahala.
- Orotariko Euskal Hiztegiak euskararen aro eta euskalki guztietako lexikoa jaso eta antolatzea du xede. 1987an argitaratu zen paperean lehen liburukia eta 2005ean hamaseigarrena eta azkena. Hortik aurrera Euskaltzaindia ahalegin handia egiten ari da hiztegi horren bertsio elektronikoa gero eta aberatsagoa izan dadin edukiz eta bilaketa-aukeraz.
- Hizkuntza-atlasgintzatik hiztegigintzara: Euskararen Herri Hizkeren Atlasaren eta Euskaltzaindiaren Hiztegiaren arteko lotura-gakoak doktorego-tesia defendatu du gaur Amaia Jauregizarrek Deustuko Unibertsitatean.
- Euskaltzaindiaren eta Deustuko Unibertsitatearen arteko lankidetza-hitzarmenaren baitan egin du doktorego-tesia, eta aipamen industriala lortzeko helburua zeukan.