Makina-Xemeingo karmeldarrek argitaratzen duten aldizkarian euskarazko hiztegigintzaren errepasoa egiten du Patxi Uribarren euskaltzainak, tarteka, Akademiaren azken hiztegiari buruzko datu ugari ematen dituela.
Uribarrenek berak dioen moduan, "hainbatek burututako lan oparoa" da Euskaltzaindiaren Hiztegi berria, iaz argitaratu zena (paperean zein Interneten).
Ohikoa duen legez, bestelako gaiak ere jorratzen ditu Karmel-ek bere azken zenbakian (296.a): 'Azaroa euskal atsotitz bildumetan' (Patxi Juaristi); 'Karmel 2008-2016: bibliografia' (Julen Urkiza); 'Liberalismoaren aldeko euskarazko sermoi inprimatu bat, hirurteko liberalaren garaian -1820-1823-' (Cesar Gallastegi, Jabier Esteban Ochoa de Eribe); 'Estatuko itzulpen sariaz -sentimenduak eta gogoetak-' (Luis Baraiazarra); 'Kultura gauzatu errukiaren eraginez, kristau arnasa dauan unibersidadean' (Lontzo Zugazaga); 'Amoris laetitia' -Maitasunaren poza- (A. Olea); 'Madagaskarretik mezu interesgarria. Herria eta ebanjelizazioa' (D. Amundarain); 'Sindrome psikiatrikoak hobeto ulertzeko' (Roman Garmendia); 'Jean Pitrau pastorala' (Joseba Aurkenerena); 'Uherra ispilu' (I. Bordaren poemak); Barne-izaera' (Luis Baraiazarraren olerkiak).
Karmel-en urteko harpidetza 15 eurokoa da, eta harpide izateko eskaria helbide elektroniko honetara idatzita egin daiteke: Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko..
Euskaltzaindiaren Hiztegi berriaren bertsio digitala ondo erabiltzeko eta bilaketak ahalik eta modu eraginkorrenean egiteko gako batzuk eskainiko dira bi saiotan.
Saio hauek, EIZIEko bazkideentzat antolatuak, urtarrilaren 24an eta 25ean egingo dira. Lehena, Donostian Euskaltzaindiak duen ordezkaritzan (Luis Villasante Euskararen Ikergunea, Tolare baserria), eta, bigarrena, Akademiak Bilbon duen egoitzan (Plaza barria, 15).
17:00etatik 19:00etara egingo dira eta doakoak izango dira. Hori bai, parte hartu nahi duenak izena eman beharko du, urtarrilaren 18a baino lehen, esteka honetan bertan.
Urte luzez, eskalgintzan jardun zuen urnietarrak. 86 urte zituela zendu da.
Lazkaoko ikastolen sortzaile eta euskal udalekuen bultzatzaileetako bat izan zen Fernandorena; honela, euskaltzain urgazle izendatu zuen Akademiak, 1967ko abuztuan.
Duela bi urte omenaldia egin zioten Andoainen, eta 'Jaxinto, ikastolen lemazain' liburuan aletu zituzten bere ekimen eta gogoak.
Xabier Kintana: "Euskaltzaindiak begi onez ikusten ditu euskararen alde egiten diren ekimen guztiak"
Mertxe Mujika AEK-ko zuzendariaren eta Asier Amondo Korrika 20ko koordinatzailearen bisita jaso du, gaur, Euskaltzaindiak.
Akademiak hasiera hasieratik egin du bat AEKren egitasmoarekin, eta 2017an ere izango du bere Kilometroa.
"Aurrekoa ahalduntzearen Korrika izan bazen, datorren urtekoa partekatzearena izango da", esan du Asier Amondok.
'Zirkorrika' kanta aurkeztu zuten abenduaren 14an, Iruñean, eta urtarrilaren 25ean agertuko dute Korrika Kulturalaren egutegia.
(Erramun Osa, Mertxe Mujika, Xabier Kintana eta Asier Amondo, gaur, Akademiaren Bilboko egoitzan)
Luis Villasante ikergunean egin den jardunaldian hizkuntzen historia soziala lantzeko nazioarte mailan berritzailea den metodologia aurkeztu eta aplikatu da; bestetik, azken 250 urtean Donostiako bilakaera soziolinguistikoa zein izan den ere azaldu da.
Andres Urrutia euskaltzainburuaren esanetan, “pozgarria” izan da Akademiarentzat DSS2016EU egitasmoarekin batera lan egitea, “hain urte markatuan”. “Mugarri bat jarri dugu proiektu honekin, etorkizunean bestelako ikerketa batzuetan erabiltzeko baliagarria izango baita”, gaineratu du.
Xabi Paya (Donostia 2016ko kultur programaren zuzendaria): “Honelako jardunaldietan 'ospatu' hitza erabiltzea ez zait gustatzen, baina ospatzeko modukoa da aurten Euskaltzaindiko ikertzaileek lortu dutena: Euskararen Historia Soziala (EHS) proiektuak sortutako oinarri teoriko-metodologiko berritzaileak iraganera begira jarri gaitu, etorkizuna hobeto irudika dezagun”.
Azkenik, Antonio Campos Kutxa Fundazioko ordezkariak adierazi du honelako proiektuak ezinbestekoak direla “euskararen geroa bermatzeko”.
gaur, Luis Villasante Ikergunean)