- Euskal Idazleen Elkarteak eta Euskaltzaindiak ikastaro bi antolatu dituzte azarorako. Euskara Batuaren Eskuliburua (EBE) egoki erabiltzeko eta bilaketak ahalik eta modu eraginkorrenean egiteko gako batzuk eskainiko dira saio hauetan, Andres Alberdi EBEren batzordeko buruaren eskutik.
- Azaroaren 18an (Donostian, Euskaltzaindiaren ordezkaritzan) eta 25ean (Bilbon, Euskaltzaindiaren egoitzan) izanen dira saioak, 17:00etatik 18:30era.
- Dohainik izango dira, baina izena eman behar da azaroaren 12ra bitartean: HEMEN / Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. / 943428050 (EIEko bazkideek izango dute lehentasuna).
Iruzkin berria idatzi
- Eusko Ikaskuntzak Jose Ramon Etxebarriari eman dio 2020ko Manuel Lekuona Saria. Epaimahaiak baloratu du gernikarrak unibertsitateko ikerketa eta irakaskuntzaren arloan euskararen normalizazioari egindako ekarpen garrantzitsua, komunitate zientifikoarentzat lexikografia ezartzea ahalbidetu baitu, komunikazio globalaren teknologia berrien laguntzaz.
- Jose Ramon Etxebarria ingeniaria da eta euskaltzain urgazlea 2006tik.
- 2020ko R. M. Azkue Literatura Sarietara lanak bidaltzeko epea zabalik dago. 2020ko abenduaren 18an amaituko da, eta erabakiak 2021eko martxoaren 12a baino lehen iragarriko dira. Bi genero saritzen dira, poesia eta narrazioa, eta 10 eta 17 urte bitarteko gaztetxoei zuzenduriko sariketa da.
- 180 eta 300 euro bitarteko sariak emango dira, narrazioan zein olerkian, eta parte-hartzea bultzatu guran, 500 euroko saria emango zaio lehiaketara ikasle gehien aurkezten duen ikastetxeari.
- Oinarriak, HEMEN
- 2019an, Sabino Arana Fundazioak Euskaltzaindiarekin elkarlanean antolatutako mintegi baten emaitza agertzen du aldizkariak.
- Partaideen artean ideia nagusi bat gailentzen da: euskara kohesio-hizkuntza bilakatu behar dela gero eta askotarikoa eta berdinkideagoa den gure gizartean.
- Hermes aldizkariaren azken zenbakia (65) salgai dago Euskal Herriko kioskoetan (5 euro).
- Euskal Herriko Ikastolen Elkarteak eta Euskaltzaindiak unitate didaktiko digitala sortu eta egungo gazteen esku jarri nahi dute.
- Proposamen honen helburua: euskararen iraganeko, egungo eta etorkizuneko egoeraren inguruko hausnarketa kritikoa bultzatzea euskararen lurralde guztietako gazteekin batera.
- Euskararen Herria Ehuntzen unitate didaktikoa euskarri telematikoan eskainiko zaie dohainik Euskal Herriko ikastetxe guztiei.
- Mendeurrenaren inguruabarrean jarri zuen egitasmoa abian Euskararen Akademiak.
(Argazki nagusian: Miriam Urkia euskaltzain osoa; Koldo Tellitu EHIko lehendakaria; Xabier Lasa EHIko teknikaria)
- 'Euskara eskuz esku', Ipar Euskal Herritik batasunari eginiko ekarpena
- LINGUATEC-ek gaur Baionan egin duen bileran parte hartu du Euskaltzaindiak
- Bilboko Udalak eta Euskaltzaindiak bat egin dute Bilbon euskararen erabilera sustatu eta normalizatzeko ahaleginean
- Euskaltzaindiak JAGONET kontsulta-zerbitzua indarberritu du