- Euskaltzaindiak Gasteizko udaletxean egin du martxoko Osoko Bilkura. Bilkura hasi baino lehen, Maider Etxebarria hiriko alkate andreak harrera beroa egin die euskaltzainei. Euskaraz mintzatu da Etxebarria, eta esker oneko hitzak izan ditu Akademiarentzat: "Udaleko teknikariek esan didatenez, Euskaltzaindiak asko laguntzen die beraien eguneroko zereginean, eta hori eskertu nahi nizueke".
- Euskaltzaindia aspalditik ari da Gasteizko Udalarekin elkarlanean; urtero-urtero berritzen dute hitzarmena bi erakundeek.
Iruzkin berria idatzi
- Beñat Oihartzabal idazle eta hizkuntzalariak 75 urte bete zituen martxoaren 17an, eta, hartara, euskaltzain emeritu bilakatu da, Euskaltzaindiaren barne-arauek agintzen duten bezala.
- Horrela, ordezkoa aukeratzeko izena emateko epea ireki da, Oihartzabalen hutsunea betetzeko proposamenak hurrengo bi Osoko Bilkuretan jasoko direla.
- Euskaltzaindiak bere webgunean eskegi du Piarres Lafitte euskaltzale, idazle eta euskaltzain osoaren artxiboa. Egundoko bilduma dokumentala da Lafitterena, ezinbestekoa Euskal Herriko euskalgintzaren historia ezagutzeko.
- Neurri batean, Georges Lacomberen artxiboaren segidako lantzat har dezakegu, harekin osagarria guztiz, bi-biek Ipar Euskal Herriko historia, literatura eta euskalgintzaren iturri-dokumental mamitsu eta garrantzitsuak biltzen baitituzte.
- Azalpen-bideoa hemen: https://labur.eus/LNV8V
- 196. arau berria dela eta ('EBO (I). Laburtzapenak: laburdurak eta siglak (Idazkera eta morfologia)'), Euskara Batuaren Eskuliburua (EBE) berrikusi eta egokitu egin behar izan da atal batzuetan.
- Egokitzapen horiek bi fitxa hauetan islatu dira batez ere: laburdurak (985. fitxa) eta siglak (1273. fitxa). Eta beste hauetan ere findu behar izan dira kontu batzuk: izen berezi batzuen deklinabide-arazoak (872. fitxa), -r letraren hitz-bukaerak sortzen dituen zalantzak (1243. fitxa) eta tituluak eta kidekoak (1309. fitxa).
- Aste honetan, Nafarroako liburutegian (Iruñea) eta Zangozako Karmengo entzungelan aurkeztu da Margarita, Nafarroako erregina (1492-1549). Antzezlanak eta gutunak ikerlana.
- Ixabel Etxeberriak paratu du argitalpena, Euskaltzaindiak iaz plazaratu zuena. Aurkezpenetan bidelagun izan ditu Sagrario Aleman Euskaltzaindiaren Jagon sailburu eta Nafarroako ordezkaria eta Heptameron taldea (Nafarroako Ganbera Abesbatzaren emakumezkoen korua).
- Ixabel Etxeberriari elkarrizketa, HEMEN