83.690 bisita izan ditu gure atari digitalak, maiatzean. Bistaratzeak, guztira, 292.746 izan dira.
Aurreko hilabetean legez, maiatzean ere Euskaltzaindiaren Hiztegia izan da gehien kontsultatu den edukia, luzaz: 166.212 bistaratze izan ditu. Horrez gain, eta ohikoa denez, Euskal Onomastikaren Datutegira ere jo du jendeak (71.407).
Bi egitasmo horien atzetik doaz Orotariko Euskal Hiztegia (34.347 bistaratze), Arauen atala (3.833) edo JAGONET kontsulta zerbitzua (3.729).
Azkenik, 'Plazaberri' blogak 1.293 bistaratze izan ditu.
Euskaltzaindiaren 2016ko Oroitidazkia Akademiaren webgunean bertan irakur daiteke, jada. Akademiak 2016an egin zituen lanen berri ematen duen txostena da Oroitidazkia, eta PDF formatuan eskaintzen da.
Ohi bezala, 2016ko Oroitidazkiak ondoko atalak ditu: Xabier Kintana Akademiaren idazkariaren sarrera, Erakundearen jarduerak; Akademia jarduera; Erakundearen zerbitzuak; Herri administrazio eta erakundeak; Webgunea eta gizarteratze lana; eta Euskaltzaindiaren balantzea eta galdu-irabazien kontua.
Anari, Gorka Urbizu, Niko Etxart, Aitor Gorosabel eta Xabi Bastida (Su Ta Gar), Inun, La Basu eta Maishak joko dute Bilboko Plaza Barriaren 15. zenbakian.
Akademiak Bilboko Udalarekin batera antolatu du Astelehen Buruzuria kontzertu akustikoen estreinako zikloa.
(Gorka Urbizu Berri Txarrak-eko abeslaria)
Gaur goizean, Nafarroako Parlamentuak aurrera atera du euskararen legearen aldaketa. Erabaki honekin 44 herri pasatuko dira eremu ez-euskaldunetik mistora, eta bat mistotik euskaldunera. Guztira, 40.000 herritarri eragingo die aldaketak.
Zentzu honetan, Andres iñigo Euskaltzaindiaren Nafarroako ordezkariak adierazi du Parlamentuak ez duela "ezer inposatu, udalerri horiek guztiek banan-banan eskatutakoari erantzuna eman baizik".
Gaur abiatu dira Udako Euskal Unibertsitateak (UEU) urtero antolatzen dituen ikastaroak, eta horietako bat Miriam Urkia euskaltzain urgazle eta Euskaltzaindiaren Hiztegiko lantaldeko buruak emango du, Christian 'Antton' Harignordoguy AEKko irakaslearekin batera. Bien artean euskara gaitasuna lantzeko tailerra eskainiko dute.
Bost orduko tailer hau Baionan egingo da, uztailaren 6an, Euskararen Erakunde Publikoaren egoitzan.
Honako hauek dira ikastaroaren helburuak: Frantsesak eragindako zenbait kalko arruntez ohartaraztea; hiztunek izaten dituzten hainbat zalantza eta arazori erantzuteko baliabideak ematea; erreferentziazko dokumentuetan nola bilatu erakustea; eta Euskaltzaindiaren Hiztegia ezagutzea eta erabiltzen ikastea.
Izen-ematea: ekainaren 30a baino lehen.
- Euskaltzaindiak Kimikako Oinarrizko Lexikoa argitaratu du
- Nafarroako onomastika eta toponimia ikertzen eta gizarteratzen jarraituko du Euskaltzaindiak
- Roberto Gonzalez de Viñaspre: "Etorkizun itxaropentsua du euskarak Errioxan"
- Sebas Gartzia Trujillok 'Hamaika euskal literato eta Jainkoa' liburua plazaratu du