Euskaltzaindiaren arauak era sinplifikatuan

195. araua. Artelanen izenak. Musika

Gramatika-atalak: Onomastika

Musikako era guztietako konposizioen izenburuen lehen hitza letra larriz hasirik idazten da, baita izenburuaren parte diren izen berezien lehen letra ere, halakorik badago, baina izenburuaren gainerako hitzak letra xehez idazten dira.
Dena dela, konposizioen jatorrizko izenak jatorrizko hizkuntzan idazten direnean, hala nola kantarien eta musika-taldeen kantak aipatzean, ohikoa da jatorrizko idazkeraren arabera idaztea.
Konposizioaren izenburu osoa letra etzanez idazten da.
Adibidez, Xabier Leteren Izarren hautsa kanta ezin ospetsuagoa; Édith Piafen Non, je ne regrette rien kanta 1960koa da; Espainiako Gerra Zibilaren garaikoa da Si me quieres escribir kanta; 1956an, Don't Be Cruel grabatu zuen Elvis Presleyk.
Arau honek 191. araua, «Artelanen izenak. Historiaurreko eta Antzinaroko artelanen izenak», 193. araua, «Artelanen izenak. Arkitektura» eta 194. araua, «Artelanen izenak. Pintura, argazkigintza eta eskultura», osatzen ditu.
Arauak 74 ballet, opera eta beste musika obraren izenburua ematen du euskaraz, frantsesez, gaztelaniaz, ingelesez edo jatorrizko hizkuntzaz, gehi batzuetan obraren egilea. Hona horietarik batzuk euskaraz eta frantsesez edo jatorrizko hizkuntzan, ordena alfabetikoan.

Euskal izenburua	Frantses izenburua	Egilea
Beltxargen aintzira	Le Lac des cygnes
Carmen	Carmen	Bizet
Così fan tutte	Così fan tutte	Mozart
Fausto	Faust	Gounod
Kontzertu italiarra, BWV 971	Concerto nach Italiænischen Gusto	Bach
La traviatta	La traviatta	Verdi
Lau urtaroak	Le quattro stagioni	Vivaldi
Loti ederra	La Belle au bois dormant
Romeo eta Julieta	Roméo et Juliette
Sevillako bizargina	Il barbiere di Siviglia	Rossini
Sinfonia fantastikoa, op. 14	Symphonie fantastique	Berlioz
Suite espainola, op. 47	Suite espainola	Albéniz
Tristan und Isolde / Tristan eta Isolda	Tristan und Isolde	Wagner
Txirula magikoa	Die Zauberflötte	Mozart

195. arau osoa ikusi