Euskara eskuz esku

Elkarrizketa osoak

Gexan Alfaro

Urepelen (Nafarroa Beherea) sortua da, 1941eko uztailaren 21ean.

Basque Eclair aldizkarian urte batzuk pasatu ondoan, Baionako Zabal liburu-dendan sartu zen, Elkar megadendan eta argitaletxean bukatu aitzin bere lan-ibilbidea.

Euskaltzain urgazle izendatua izan da, 1975eko uztailaren 27an.

Ikus elkarrizketa →


Aurelia Arcocha-Scarcia

Baigorrin (Nafarroa Beherea) sortua da, 1953ko urriaren 3an.

Euskal Filologian doktore eta literaturan aditua, Euskal ikasketetan irakasle-ikerlari izan da Bordele Montaigne unibertsitatean eta Baionako fakultatean (UPPA).

Idazle gisa ere ezagutua da, bereziki olerkigintzan.

Euskaltzain urgazle izendatua izan da, 2003ko urtarrilaren 31n eta euskaltzain oso 2007ko martxoaren 30ean.

Ikus elkarrizketa →


Itxaro Borda

Baionan (Lapurdi) sortua da, 1959ko martxoaren 29an eta Oragarren (Nafarroa Beherea) hazia. Laborantzako baxoa lorturik, ikasketak historian segitu zituen. Gaur egun, Postan ari da lanean.

Idazle gisa ezagutua da eta bere idazlanetan aurki daitezke olerkiak, eleberriak eta kantu batzuen testuak.

Ikus elkarrizketa →


Jean-Louis Davant

Ürrüstoi-Larrabilen (Zuberoa) sortua da, 1935eko uztailaren 5ean.

Agronomia ingeniaritzan egin ditu ikasketak. Hazparneko Laborantza Eskolan irakasle egon da luzaz.

Pastoral eta olerki idazle gisa ezagutua da besteak beste.

Euskaltzain urgazle izendatua izan da 1965eko irailaren 24an eta euskaltzain oso 1975eko otsailaren 28an.

Ikus elkarrizketa →


Janbattitt Dirassar

Hazparnen (Lapurdi) sortua da, 1937ko otsailaren 17an.

Ofizioz kazetari, luzaz Sud-Ouest egunkarian ari izana da eta ondotik, Herria astekarian segitu du idazten. Astekari horren zuzendari izan da.

Liburu zonbait argitaratu ditu azken urte hauetan.

Euskaltzain urgazle izendatua izan da 1965eko irailaren 24an eta euskaltzain ohorezko bilakatzen da, 2004ko azaroaren 26an.

Ikus elkarrizketa →


Aines Dufau

Donapaleun (Nafarroa Beherea) sortua da, 1965eko urtarrilaren 19an.

Euskal Ikasketetan lizentziaduna da.

Ikas Euskal Pedagogia Zerbitzuaren zuzendari da.

Euskaltzain urgazle izendatua izan da 2006ko maiatzaren 26an.

Ikus elkarrizketa →


Xarles Videgain

Baionan (Lapurdi) sortua da, 1947ko ekainaren 30ean.

Letretan doktore eta dialektologian aditua, Euskal ikasketetan irakasle-ikerlari izan da Baionako fakultatean (UPPA).

Bestalde, Euskararen Herri Hizkeren Atlasaren (EHHA) zuzendari da, 2009tik goiti.

Euskaltzain urgazle izendatua izan da, 1983ko martxoaren 25ean eta euskaltzain oso 2009ko martxoaren 26an.

Ikus elkarrizketa →

Atari bibliografikoa

baliabideak

Azkue Biblioteka eta Artxiboa

Azkue Biblioteka eta Artxiboa
ordua

ORDUTEGIA

Azkue Biblioteka eta Artxiboaren jendaurreko ordutegia:

9:00 - 14:00

Azkue Biblioteka eta Artxiboa Euskaltzaindiaren zerbitzura dago. Horrez gainera, zabalik dago ikertzaile ororentzat, eta bere ahalbideen neurrian euskal kultura gaien ikerkuntza eta hedapena sustatzen eta laguntzen saiatzen da.