• Sinboloak kontzeptu batzuen nazioarteko irudikapen grafiko normalizatuak dira, letraz edo hizkuntza idatzi arruntetik kanpoko zeinuz osatuak, gehienbat —baina ez bakarrik— zientziaren eta teknologiaren alorrean erabiliak.
• Nazioartekoak dira, nazioarteko hitzarmenen arabera eratuta baitaude —eta eratzen dira—, eta ez daude inongo hizkuntzari lotuak; hizkuntza guztietarakoak dira, eta, horrenbestez, baita euskararako ere. Alegia, mundu osoan berdin idazten dira honelakoak:
  
  

  35 km/h
  F = m·a
  H20

• Sinboloak ez dira laburtzapenak. Batzuetan, sinboloa hitz laburtu bat da (adibidez, m metroren sinboloa da); beste batzuetan, berriz, hitzarmenezko zeinu bat da (adibidez, + zeinua batuketa adierazteko, hau da, eragiketa matematiko bat adierazteko).

Sinbolorik ohikoenak

• Era askotako zeinuak daude, baina ohikoenak eta erabilienak nazioarteko unitate-sistemako (SI sistemako) oinarrizko unitateen eta unitate eratorrien sinboloak dira, hala nola m (metroa), s (segundoa), J (joulea), W (watta)...

Sinboloak nola irakurri eta idatzi

• Sinboloak, printzipioz, ez dira irakurtzen: azaldu egiten dira, zer adierazten duten esaten da. Sinbolo batzuk ez dira alfabetoko letrak eta beren izenez adierazi behar dira ($ edo ∞ edo ≠, adibidez, ezin dira irakurri, ez baitira letrak). Beste sinbolo asko, dena dela, alfabetoko letraz osatuta daude, eta irakur litezke. Adibidez, kg sinboloa ka-ge irakur liteke eta NW sinboloa ene-uve bikoitz, baina ez da horrela jokatzen: kg sinboloa ikusita, kilogramo irakurtzen da, eta, NW sinboloa ikusita, ipar-mendebalde.
• Sinboloak ez dira puntuz amaitzen. Sinboloen grafia normalizatuta dago, eta aldaezina da.
  
  

  Sinbolo batzuk letra xehez idazten dira; adibidez, pertsona-izen batetik eratorri ez diren neurri-unitateen izenak: m (metroaren sinboloa), s (segundoaren sinboloa), t (tonaren sinboloa), mol (molaren sinboloa), cd (kandelaren sinboloa)...

  Beste sinbolo batzuk letra larriz idazten dira. Adibidez, pertsona-izen batetik eratorri diren neurri-unitateen izenak: A (amperearen sinboloa), K (kelvinaren sinboloa), J (joulearen sinboloa), W (wattaren sinboloa)...

  Zenbakia sinboloaren aurrean idazten da, tarte batez bereizirik:

  (EGOKIA) Distantzia: 5 km; tenperatura: 25 °C; pisua: 120 kg; abiadura: 30 km/h.

  (DESEGOKIA) Distantzia: 5km; tenperatura: 25°C; pisua: 120kg; abiadura: 30km/h

• Sinboloak testu arruntean txertatzea: kasu-markak marratxoz lotzen zaizkie sinboloei.
  
  

  (EGOKIA) 50 A-ko intentsitatea (berrogeita hamar ampereko intentsitatea)

  CO2-aren isurketak (karbono dioxidoaren isurketak)

  (DESEGOKIA) 50 Ako intentsitatea (berrogeita hamar ampereko intentsitatea) CO2aren isurketak (karbono dioxidoaren isurketak)

  Zenbakiak eta neurri-unitatearen sinboloak lerro berean egon behar dute. Neurri-unitateen sinboloak ez dira letra etzanez idazten.

Neurri-unitate sinboloak

• SI sistemako oinarrizko unitate batzuk eta haien sinboloak
  

  UNITATEAREN IZENA	SINBOLOA	UNITATEARI DAGOKION MAGNITUDEA
  metro	m	luzera
  kilogramo	kg	masa
  segundo	s	denbora
  anmere	A	korrente elektrikoa

• Izen berezia duten SI sistemako unitate eratorri batzuk eta haien sinboloak
  

  UNITATEAREN IZENA	SINBOLOA	UNITATEARI DAGOKION MAGNITUDEA
  radian	rad	radian rad angelu laua
  estereorradian	sr	angelu solidoa
  hertz	Hz	maiztasuna/frekuentzia
  anmere	A	korrente elektrikoa
  newton	N	indarra
  pascal	Pa	presioa
  joule	J	energia, lana, bero-kantitatea
  watt	W	potentzia, erradiazio-fluxua

• Neurri-unitateen sinboloak erabiltzean egiten diren huts nagusi batzuk
  

  GAIZKI	ONGI	UNITATE	OHARRA
  Km	km	kilometro	kilo- aurrizkiaren sinboloa k- da, letra xehez. Km sinboloa zuzena da, baina kelvin-metro unitatearen sinboloa da, ez kilometro unitatearena.
  Kg Kgr	kg	kilogramo	kilo- aurrizkiaren sinboloa k- da, letra xehez. gramoaren sinboloa g da, ez gr.
  zm	cm	zentimetro	zenti- aurrizkiaren sinboloa c- da. zm sinboloa zeptometro unitatearen sinboloa da.
  Tm Tn	t	tona	Unitatearen izena tona da, ez tona metrikoa. Tm sinboloa terametro unitatearen sinboloa da.
  seg	s	segundo	Minutuaren sinboloa min bada ere, segundoarena s da.
  gr	g	gramo	Gramoaren sinboloa g da (batzuetan, gr. laburdura ikusten da, baina nazioarteko sinboloa izanik ez da laburdurarik behar).
  kW/h Kw/h kW-h	kW h kW.h	kilowatt-ordu	kilowatt eta ordu unitateen biderkadura da, ez zatidura (alegia, ez da kilowatt orduko).
  °	°C	Celsius gradu	° sinboloa angelu lauaren gradu unitatearen sinboloa da, eta ez tenperatura-graduaren sinboloa.

Elementu kimikoen sinboloak

• Elementu kimikoen izenak aldatu egiten dira hizkuntzatik hizkuntzara, baina haien sinboloak nazioartekoak dira.
• Elementu kimikoen sinboloak letra arruntez idazten dira, ez letra etzanez. Letra bakarrekoak edo bi letrakoak izan daitezke. Lehen letra larriz idazten da beti, eta bigarrena, xehez. Adibidez:
  
  

  aluminio Al, argon Ar, boro B, burdina Fe, fluor F, fosforo P....

Puntu kardinalen eta iparrorratz-puntuen sinboloak

• Puntu kardinalen izenak hizkuntzatik hizkuntzara aldatzen dira, baina sinboloak bakarrak dira hizkuntza guztietarako, behe-mailako testuetan hizkuntza bakoitzaren izenen araberako sinboloak erabiltzen badira ere.
  

  PUNTUAREN IZENA (MUGAGABEAN)	SINBOLOA
  ipar	N
  ipar-ipar-ekialde	NNE
  ipar-ekialde	NE
  ekialde	E
  hego-ekialde	SE
  hego-hego-ekialde	SSE
  hego	S
  hego-hego-mendebalde	SSW
  hego-mendebalde	SW
  mendebalde	W
  ipar-mendebalde	NW
  ipar-ipar-mendebalde	NNW

Dibisa batzuen sinboloak

Matematikako oinarrizko sinbolo batzuk

Beste sinbolo batzuk

• Arau honek 196. araua, «EBO (I). Laburtzapenak: laburdurak eta siglak», eta 198. araua, «EBO (III). Letra-estiloak», osatzen ditu.