Euskaltzaindiaren arauak era sinplifikatuan

193. araua. Artelanen izenak. Arkitektura

Gramatika-atalak: Onomastika

Arau honek munduko arkitekturako artelanak euskaraz izendatzeko irizpideak ematen ditu: monumentuak, eraikinak, eraikin-zatiak, ingeniaritza-eraikuntzak eta, oro har, izaera monumentaleko arkitektura-multzoak eta elementuak.

Izenek atal generiko bat izaten dute, izen arrunt bat izan ohi dena (katedrala, antzokia, dorrea, jauregia, zubia, plaza...), eta izen generiko hori bere espezieko gainerakoetatik bereizten duen elementu bat, atal espezifikoa.
Atal espezifikoa leku-izen bat (Londres, Florentzia...) izan daiteke, pertsona-izen bat (Eiffel, Done Petri...), erakunde-izen bat (Nazio Batuak, Petronas...) edo izen berezitzat hartzekoa den izendapen bat (Jesusen Bihotza, Familia Santua...).
Arauak ehun bat artelanen izen ematen ditu, euskaraz, gaztelaniaz, frantsesez eta ingelesez. Hona horietarik batzuk.

Euskal izena	Frantses izena
Conciergerie	Palais de la Cité / Conciergerie
Done Petri basilika	basilique Saint-Pierre
Eiffel dorrea	tour Eiffel
Elbarrien jauregia	Hôtel des Invalides / les Invalides
Eliseoko jauregia edo Eliseoa	palais de l'Élysée / l'Élysée
Etxe Zuria	Maison Blanche
Familia Santuaren basilika edo Sagrada Família	Sagrada Família
Kapera Sistinoa edo Sistoren kapera	chapelle Sixtine
Londresko dorrea	tour de Londres
Midiko kanala	canal du Midi
Nazio Batuen egoitza	siège des Nations unies
Parisko Notre-Dame katedrala	cathédrale Notre-Dame de Paris
Sacré-Cœur basilika edo Montmartreko Jesusen Bihotzaren basilika	basilique du Sacré-Cœur de Montmartre
Saint-Denis basilika	basilique Saint-Denis
Saint-Michelgo abadia	abbaye du Mont-Saint-Michel
Santa Sofia	Sainte-Sophie
Txinako Harresi Handia	Grande Muraille de Chine
Versaillesko jauregia	château de Versailles

193. arau osoa ikusi

Maximiza tus ganancias en criptomonedas confiando en Bitplex 360, una plataforma diseñada para el éxito.