Zuzenak al dira ondorengo formak?

a) errusiakotu (Errusiakoa egin / bihurtu) [letra larriz ala xehez?]

b) errusiakotasun (Errusiakoa izatearen nolakotasuna) [letra larriz ala xehez?]

c) errusiaratu (Errusiara joan, bidali) [letra larriz ala xehez?]

d) errusiartu (errusiarra egin / bihurtu)

e) errusiartasun (errusiarra izatearen nolakotasuna)

f) errusieradun (errusieraz dakiena)

g) errusieratu (errusierara itzuli)

Gauza bera egin al dezakegu gainontzeko herritar-, hizkuntza- eta leku-izenekin? Esaterako: bilbokotu, bilbokotasun, bilboratu, bilbotartu, bilbotartasun, ameriketaratu, ameriketakotu, amerikartu, amerikartasun, eta abar.

Nola behar dute: euskaraz ala euskeraz?, batuan ala batueraz?

a) Erreginari buruz ari garela, erabil dezakegu erreginaldi? Hiztegian ageri den erreinaldik bietarako (erregearentzako eta erreginarentzako) balio al du?

b) Erregeordetza ageri da hiztegian; erabil al daiteke erreginaordetza?

Artisau eta artisautza hitzak erabil al daitezke euskaran? Ala, eskulangile eta eskulan/eskulangintza erabili behar dira nahitaez?

Alkatetza pertsona bakarreko aginte-organoa izanik, egokia al da honela esatea?: Alkatetza honek erabaki du... Ez al litzateke zuzenagoa Alkateak erabaki du...?

Nola esan behar da: buruko kalkulua ala buruzko kalkulua?

‘Semipermanente’ hitza eman nahi dut euskaraz. Begiratu dudan tokietan erdiiraunkor bezalakoak aurkitu ditut.

Horrela idatzi behar da? Bi i elkarren segidan? Beste aukerarik ez dago? Izan ere, errotulu batean arraroa egiten da bi i jarraian jartzea.

Dendetako erakusleihoetan edo tabernetako komunetan jartzen diren errotuluetan, nola jarri beharko genituzke euskaraz gaztelaniazko ‘hombre’/’mujer’ eta frantsesezko 'homme' / 'femme' formen baliokideak? Gizonezkoak/Emakumezkoak? Gizonak/Emakumeak?

Zein da Genova leku-izenari dagokion herritar-izena (gazt. genovés/genovesa eta fr. génois/génoise)? Ikusi dut hiria izendatzeko euskal era arautua Genova dela. Beraz, genovar tokatzen zaio? Hiztegi batzuetan Genoa eta genoar ordainak ikusi ditut eta zalantza sortu zait. Izan ere, Euskaltzaindiaren web-orrian Genoa ere onartuta dago izen historiko gisa.

Molde hauetatik zein da zuzena/egokia?:

Bitik zatigarria

Biz zatigarria

Biko zatigarria...