Euskaltzaindiaren Hiztegiaren arabera, [EH:alkatetza] alkatearen jarduera eta kargua da. [EH:alkate], berriz, udal bateko burua da, udalbatzaren lehendakaria.

Zalantzarik ez dago alkateak erabaki du zuzena dela. Hala ere, hizkera administratiboan alkatetzak erabaki du modukoak sarri erabiltzen dira. Alkateak berak pertsonalki hartutako erabakia izan gabe ere, balio berarekin alkateak bere karguari dagokion jardueran hartutakoa dela adierazi nahi da.

Estilo horretako esaldiak usu erabiltzen dira tankera bereko kargu-hitzekin: dekanotza, erretoretza, ordezkaritza, zuzendaritza… Esate baterako: Zuzendaritzaren baimenarekin [EH:zuzendaritza].