Euskaltzaindiak oraindik arautu gabeko gorabehera da <i+i> sekuentzien sailekoena. Hiztegian, bada bi i-rekin ageri den hitzik ([EH:antiinperialista]), bada -i- batera ekarria denik ere ([EH:azpidatzi]), eta bada marratxoarekin ageri denik ere ([EH:azpi-indize]). Galderako erdiiraunkor ez da ageri hiztegian.

Zernahi dela ere, komeni da jakitea horrelakoak bi i-rekin ematen dituztela bai EBEk ("erdi" (EBE)) eta bai Euskalterm terminologia-bankuak ere (eta bankuko adibideen artean ageri da, hain zuzen, hemen auzian dena ere): erdiiraunkor, erdiireki, erdiiragazkor…