- Miren Jone Azurza Aristegieta kazetaria zendu da Donostian, 92 urte zituela (aste honetan betetzen zituen 93). Miren Jone Azurza aitzindaria izan zen kazetaritzan: lehen kazetari tituludun emakumezko euskalduna; hedabide bat zuzentzen lehen emakumezkoa...
- Donostian (Gipuzkoa) jaio zen 1929ko maiatzaren 18an. Historian lizentziaduna (Deustuko Unibertsitatea), Zeruko Argiako zuzendari izan zen zortzi urtez (1969-1977). ‘Deia’, ‘Garaia’ eta ‘Muga’ bezalako hedabideetan ere jardun zuen.
- 2011n Ohorezko Rikardo Arregi Saria jaso zuen, eta 2018ko apirilaren 27an ohorezko euskaltzain izendatu zuen Euskaltzaindiak.
- Elixabete Garmendia kazetariak Bidegileak bilduman argitaratu zuen Azurzaren biografia.
Iruzkin berria idatzi
- Pasa den ostiralean, 2021eko R.Mª Azkue Lehiaketaren sariak banatu ziren Euskaltzaindiaren egoitzan.
- Akademiak eta BBK-k 1991tik antolatzen dituzten sari hauek idazle gazteak literatura mundura erakartzea dute helburu nagusi.
- Guztira 526 partaide aurkeztu dira lehiaketan, iazko kopurua aise gaindituz, eta epaimahaikideek azpimarratu dutenez, “gai sakonak” jorratu dira idatzietan, eta “ikuspuntu originalak” proposatu. Bizitzaren ertz guztiak “sakon aztertzeko gogoa” sumatu dute partaideengan.
- A mailan (10 eta 13 urte bitarteko gazteen saila) Karla Loinaz -narrazioan- eta Nerea Cestona -poesian- gailendu dira; B mailan (14 eta 17 urte bitartekoak) Malen Sarasola izan da irabazlea narrazioan eta Sara Uribe-Etxeberria poesian. Beste behin, Oiartzungo Haurtzaro ikastola izan da lanik gehien aurkeztu duen ikastetxea, eta sari berezia jaso du horregatik.
- Espioi forma arautu da euskara estandarrerako (ez *espia). Euskaltzaindiaren Hiztegiak zehazten duenez, izena ez ezik, adjektibo gisa ere erabil daiteke espioi, eta horren erakusgarri da hiztegi arauemailean bertan irakur daitekeen adibide hau: «Amerikar hegazkin espioi bat atzeman dute errusiarrek».
- Ildo beretik, Euskaltzaindiak eta UZEIk kaleratu berri duten Zibersegurtasunaren oinarrizko lexikoan software espioi proposatzen da, spyware forma arautuarekin batera.
- Zibersegurtasuna gero eta garrantzi handiagoa hartzen ari delako, Euskaltzaindiak eta bere erakunde atxikia den UZEIk Zibersegurtasunaren oinarrizko lexikoa plazaratzeko beharra ikusi dute. Lexikoak helburu bikoitza du: alde batetik, oinarrizko kontzeptuak argitzea; eta, bestetik, euskarazko terminoak finkatzen laguntzea. Guztira, 27 kontzeptu jaso dira lexikoan.
- Lexikoa deskargatzeko, HEMEN
- Oinarrizko Lexikoak (Telelanarena, Klima-aldaketarena,...), HEMEN