Euskaltzaindiaren pertsona-izendegian ageri da Julia izena. Nola ahoskatzen da? Gaztelaniaz egiten den bezala ala j hori June, Jone edo Jule izenetan bezala ahoskatzen da?

Nola da "lege gordailu" hitzen laburtzapena: puntuekin (L.G.) ala punturik gabe (LG)?

- Eusko Jaurlaritzak argitaratutako Laburtzapenen hiztegia. Ikurrak, laburdurak, siglak liburuan "L.G." ageri da, laburtzapenaren trataerarekin, nahiz nik siglatzat joko nukeen (eta, horrenbestez, punturik gabe idatziko).

- RAEk ere laburtzapentzat jotzen du gaztelaniazko "D.L." eta, ondorioz, puntuak jartzen dizkio.

Nire zalantzak horren inguruan:

- Ez bada "L.G." siglatzat jotzen, zergatik, horren jatorrizko esapidea osatzen duten bi hitzen lehen hizkiarekin osatzen bada?

- Bide beretik, zergatik ez da modu berean idazten, puntuekin, "PK" (posta-kodea), gorago aipatutako hiztegi horretan berean?

- Laburtzapenen trataera orokorrak lehen hizkia letra larriz eta gainerakoak xehez idazteko eskatzen du. Hortaz, "L.G." laburtzapena bada, zergatik ez da molde horren arabera idazten?

Zuzenak al dira ondorengo formak?

a) errusiakotu (Errusiakoa egin / bihurtu) [letra larriz ala xehez?]

b) errusiakotasun (Errusiakoa izatearen nolakotasuna) [letra larriz ala xehez?]

c) errusiaratu (Errusiara joan, bidali) [letra larriz ala xehez?]

d) errusiartu (errusiarra egin / bihurtu)

e) errusiartasun (errusiarra izatearen nolakotasuna)

f) errusieradun (errusieraz dakiena)

g) errusieratu (errusierara itzuli)

Gauza bera egin al dezakegu gainontzeko herritar-, hizkuntza- eta leku-izenekin? Esaterako: bilbokotu, bilbokotasun, bilboratu, bilbotartu, bilbotartasun, ameriketaratu, ameriketakotu, amerikartu, amerikartasun, eta abar.

Nola idazten dira mota, sail, maila, kopuru, multzo eta gisako hitzekin osatutako hitz elkarteak? Arau bereziren bat dute horiek?

Nola behar dute: euskaraz ala euskeraz?, batuan ala batueraz?

a) Erreginari buruz ari garela, erabil dezakegu erreginaldi? Hiztegian ageri den erreinaldik bietarako (erregearentzako eta erreginarentzako) balio al du?

b) Erregeordetza ageri da hiztegian; erabil al daiteke erreginaordetza?

Normalean, 1.200 idazten dugu, puntuarekin. Jakin nahi dut puntuaren ordez hutsunea erabil daitekeen:1 200.

Zer ezberdintasun dago hitz elkartu bidez osaturiko formaren eta <-ko/-(r)en + izena> egiturarekin eraturikoaren artean? Adibidez, hauen artean:

egile-eskubideak / egilearen eskubideak

jangela-araudia / jangelako araudia

Beti zalantza izaten dut nola idatzi behar den: baratzAN ala baratzEAN. Zein da forma arautua?

Korrika ez joateko adierazteko, poliki (joan) esaten diet nik ikasleei. Lankide batzuek oinez edo ibiltzen esaten diete, eta gaizki esana dagoela iruditzen zait niri. Pausoan edo esan beharko genuke?