Zuzenak al dira harritzen naiz horrela izatea, harritzen naiz horrela izateaz, harritzen nau horrela izateak esaldiak? Eta harritzen zait horrela izatea zuzena da?

Zuzena al da Txominen galde egin du esatea?

Badakigu Emakume ederra bihurtu eta Emakume eder bihurtu bezalako esaldiak egokiak direla; baina badirudi Euskaltzaindiak ontzat ematen dituela Emakume eder bat bihurtu bezalakoak ere. Horrela al da?

Data osorik idatzi ordez urtea soilik denean beharrezko, non kasu inesiboaren marka mugagabean ala mugatu singularrean jarri behar da? Zein da egokiagoa, alegia: Gertakariak 2012n eta 2015en jazo ziren ala Gertakariak 2012an eta 2015ean jazo ziren?

Esaldi hau ondo al dago?: Gaur egun ezinbestekoa bihurtu da marka-irudia aztertzea? Ala Gaur egun ezinbesteko bihurtu da behar du?

Euskararen eguna dela eta, zein dago ZUZEN esanda?:

Abenduaren 3a euskararen eguna

Abenduak 3, euskararen eguna

Abenduaren 3, euskararen eguna

Arraio hitzak onartzen al du kasu-markarik? Ala beti doa mugagabean inolako markarik gabe? Honela, alegia:

- Nondik arraio zatoz?
- Nola arraio esan dezakezu hori?
- Zergatik arraio gonbidatu duzu txotxolo hori?
- Zertatik arraio bizi da gizon hori?
- Non arraio utzi ote ditut liburuak!

Nola behar du, maiatzaren 22an baino lehen ala maiatzaren 22a baino lehen?

Ondo al dago Araba, Bizkai eta Gipuzkoan sintagma? Kasu-markarik gabe doanean, ondo al dago Bizkai idaztea?

NONGO(A), NORENGANAKO(A), NOREKIKO(A) kasuek, izena kenduz gero, -a mugatzailea hartzen dute. NORENTZAKO kasuak ere har lezake mugatzailea? Hots, amarentzakoa zuzena da?