Itxura guztien arabera, publizitate-afixa edo -kartel bateko informazioa emateko moduaz egiten da galde.

Hala izatera, lehenengo biak egoki daude, baina era honetara ulertuta:

- Dena lerro berean segida moduan idatziz gero, nahitaezkoa da koma:

Abenduaren 3a, Euskararen Eguna

Abenduak 3, Euskararen Eguna

- Afixa batean bi elementu independente gisa muntaturik jarriz gero, joan daitezke komarik gabe, baina lerro banatan:

Abenduaren 3a

Euskararen Eguna

Abenduak 3

Euskararen Eguna

Hirugarrena ez da zuzena; artikulua falta zaio datari: Abenduaren 3a behar du (37. araua). Hartara, lehenengoaren pare-parekoa da.

Dena delarik, erreparatu letra larri/xeheen auziari; izan ere, ospakizun erlijioso, zibil, politiko eta gisakoetan, letra larriz idazten dira izendapenaren hitz guztiak. Kasu honetan, Euskararen Eguna behar luke.