Euskara eskuz esku
191. araua. Artelanen izenak. Historiaurreko eta Antzinaroko artelanen izenak
- Arau honek historiaurreko eta Antzinateko artelanen izenak azaltzen ditu. Hain zuzen, arkitektura, eskultura, dekorazio-arteak eta objektu arkeologiko garrantzitsu batzuk euskara batuan nola idatzi behar diren erakusten du. Orotara, 150 izen agertzen dira eta horien ondoan, gaztelaniazko, frantsesezko eta ingelesezko baliokideak emanak dira ere.
- Historiaurreko eta Antzinaroko eraikin eta monumentuen izenei dagokienez, Euskaltzaindiak ondoko irizpideak proposatzen ditu:
- Izen berezi gisa, letra larriz hasten dira: Akropolia, Koliseoa, Partenoia. Testu baten barnean direlarik, letra arruntez idazten dira, ez letra etzanez (Akropolia, Koliseoa, Partenoia).
- Beste kasuetan, bereziki izendapena espezifikoaz (izen berezia + -ko/-ren kasu marka) eta generikoaz osatua delarik, espezifikoa letra larriz hasten da, eta generikoa letra xehez: Atenasko akropolia, Babelgo dorrea, Keopsen piramidea.
- Azkenik, izendapena izen arrunt eta izenondo batez osatua delarik, bi osagaiak letra larriz hasten dira: Etxe Karratua, Harresi Handia, Piramide Makurra.
- Hona hemen eraikin eta monumentuen izen batzuk:
|
Arte monumentala |
Euskal izena |
Frantses izena |
|---|---|---|
|
Arte minoikoa eta mizenikoa |
Labirintoa edo Kretako labirintoa (-a) |
labyrinthe de Crète (le) |
|
Mesopotamia |
Babelgo dorrea (-a) |
tour de Babel (la) |
|
Egipto |
Alexandriako itsasargia (-a) |
phare d’Alexandrie (le) |
|
Grezia |
Partenoia (-a) |
Parthénon (le) |
|
Erromatar Inperioa |
Gardeko akueduktua / Pont du Gard akueduktua (-a) |
pont du Gard (le) |
- Historiaurreko eta Antzinaroko eskulturen izenei dagokienez, Euskaltzaindiak ondoko irizpideak proposatzen ditu:
- Molde deskribatzailean izendatzen direlarik (gehienetan leku-izen bati lotuak dira), osagaiak letra larriz hasten dira: Delfosko Auriga, Farnese Zezena, Venus Milokoa.
- Izendapen deskribatzaile hutsak direlarik, osagai generikoa eta izenondoa letra larriz hasten dira: Dama Txanoduna, Kore Peploduna, Obelisko Beltza.
- Izen generikoak zer objektu-mota den deskribatzen duelarik, letra xehez hasten da, izen berezia beti letra larriz utziz: Nefertitiren bustoa, Rodasko kolosoa, Saien estela.
- Hona hemen adibide batzuk:
|
Eskultura |
Euskal izena |
Frantses izena |
|---|---|---|
|
Historiaurreko artea |
Venus Brassempouykoa (-a) / Dama Txanoduna (-a) |
Dame de Brassempouy (la) / Dame à la Capuche (la) |
|
Mesopotamia |
Saien estela |
stèle des Vautours (la) |
|
Egipto |
Eskriba Eseria (-a) |
Scribe accroupi (le) |
|
Grezia |
Venus Milokoa (-a) |
Vénus de Milo (la) |
|
Erromatar Inperioa |
Portland pegarra (-a) |
vase de Portland (le) |
Euskaltzaindiaren araua
191. arau osoa ikusiAzkue Biblioteka eta Artxiboa
9:00 - 14:00
Azkue Biblioteka eta Artxiboa Euskaltzaindiaren zerbitzura dago. Horrez gainera, zabalik dago ikertzaile ororentzat, eta bere ahalbideen neurrian euskal kultura gaien ikerkuntza eta hedapena sustatzen eta laguntzen saiatzen da.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
