Kokapena:
18.2.2a Absolutiboak ø (zero) kasu marka du: Miren- ø etorri da. Kasu marka horrek ez du soinurik. Horretan bereizten da egiturazko beste kasuetatik. Horregatik diogu kasu honetan doazen sintagmek ø marka dutela: bost andre-ø, zenbait gizon-ø. Jakina, aurretik determinatzaileren bat erabil dezakegu: zenbait etxe-ø, etxea-ø, etxe hau-ø, etxe asko-ø…
18.2.2b Absolutiboaren artikuluaren parekoa dugu -ik determinatzailea ere, operadore batek aktibatzen duena. Ez du horrek esan nahi, hala ere, -ik marka daramaten sintagma guztiak mota horretakoak direnik, ez baita hala. Berehala itzuliko gara puntu honetara.