Ez. Galderako lehenengo adibidea ez da zuzena.

Euskaraz aginduak bi modutara eman daitezke, baina ez dira elkarrekin nahasi behar:

a) Agintera-formak erabiliz (eta horiek dira benetako aginterazko formak): ezak/ezan, ezazu, ezazue (eta hirugarren pertsonakoak: beza, bezate). Horiek ezin dira erabili mendeko perpausetan, horiei ezin zaie atzizkirik erantsi: *egin ezazuela; *eros ezaala... (> egin ezazu, eros ezak/ezan…).

b) Subjuntiboko formak baliatuz: a) <subjuntiboa + -(e)n>, 1. pertsonan: egin dezagun, eraman dezadan; b) <subjuntiboa + -e)la>, 3. pertsonan: egin dezatela, egin dezala. Arau horrek berdin balio du ezezkoetan ere, agintera-formaz ala subjuntiboz eman nahi dugun:

*ez ezazuela egin > ez ezazue egin / ez dezazuela egin;

*ez ezazula pentsa > ez ezazu pentsa / ez dezazula pentsa…

Horrez gainera, ikus hauek ere: "Aditzaren jokabidea: subjuntiboa (eskatu, agindu, gomendatu, proposatu, aholkatu …dadila /dadin)" (JAGONET), "Aditzaren jokabidea: subjuntiboa (opa diogu zeruan goza dadila / goza dadin)" (JAGONET), "Aditzaren jokabidea: subjuntiboa eta -tzeko (gogoratzeko / gogora nadin / gogora nadila esatera etorri)" (JAGONET), "Aditzaren jokabidea: agindu (isil gaitezela/isil gaitezen agindu digu)" (JAGONET), "Aditzaren jokabidea: subjuntiboa (joan zaitezen esan dit / joan zaitezela esan dit)" (JAGONET), "Aginduak ematea: ez ezazu / *etzazu" (JAGONET).