- Euskera 2010, 55, 1 liburuak Euskaltzaindiaren bizitza akademikoa biltzen du. Besteren artean, Lourdes Oñederra eta Patxi Uribarren euskaltzainen sarrera-ekitaldietako hitzaldian bildu dira. Iruñean, Nafarroako Gobernuarekin batera egin zen Euskarazko terminologia juridiko-administratiboari buruzko jardunaldia ere jaso da liburuan, bai eta Onomastika arloari dagozkion irizpen batzuk, zenbait hitzarmen eta Euskararen Herri Hizkeren Atlasaren I. eta II. liburukien aurkezpena ere. Bilbao Bizkaia Kutxa Fundazioa-Euskaltzaindia “Literatura ataria”-ren aurkezpenaren nondik norakoa ere irakur daiteke hemen.
- Euskera 2010, 55, 2 liburuak ikerketa-lanak jasotzen ditu. Gai nagusiak hauek dira: Euskaltzaindiaren XV. Jagon Jardunaldiak (Gazteak, aisialdia eta euskara gaiaren inguruan) eta Akademiaren Literatura Ikerketa batzordeak Literaturaren Historiografiari buruz egin zituen jardunaldiak.
Pirinioetako hizkuntzak: lehena eta oraina. Hori da Euskaltzaindiak argitaratu berri duen CD-ROMaren izenburua. Bertan, 2008an, Euskaltzaindiak egin zuen XVI. Nazioarteko Biltzarraren emaitza jasotzen da. CD-ROM hori Euskaltzaindiaren Iker bildumaren 26. zenbakia da eta Iruñean egin ziren hitzaldiak, txostenak eta mahai-inguruak biltzen ditu. Argitarazle lana Patxi Salaberri, Andoni Sagarna eta Joseba Lakarra euskaltzain osoek egin dute.
2008ko urriaren 6tik 10era bitartean, Euskaltzaindiak bere Nazioarteko XVI. Biltzarra egin zuen, Iruñean. "Pirinioetako hizkuntzak: lehena eta oraina" lemapean egin zen biltzar horretan Pirinioetako mendikate zabalaren bi aldeetako hizkuntzak eta kulturak ikertu ziren. Hartara, euskara, aragoiera, katalan eta okzitanieraren hainbat alor ikertu ziren, hala nola euren historia, dialektologia, literatura, soziolinguistika, teknologia berriak eta toponimia, aditu eta jakitun askoren ekarriak bilduz. Bestalde, Euskaltzaindiaren laurogeita hamargarren urteurreneko ekitaldien hasierakoa izan zen.
Hala, bada, Biltzarrak lau lerro nagusi izan zituen, egun bakoitza alor bati eskaini zitzaiolarik. Hauek dira lau lerrook: bigarren egunean, historia eta dialektologia arloa landu zen. Hirugarren egunean, literatura izan zen hizpide nagusia. Laugarren egunean, Hizkuntzak eta gizarteak izan gaia jorratu zen. Azkenik, bosgarren egunean, toponimia aztertu zen. Horrezaz gain, lehenengo egunean, Michael Metzeltin Vienako Unibertsitateko irakasle eta erromanista ospetsuak egin zuen sarrera-hitzaldia, “Las lenguas románicas pirenaicas: tres ejemplos de estandarización” izenburupean.
Gainera, mahai-inguru bat egin zen, “Teknologia berriak” gaiaren inguruan. Hitzaldiez gain, 6 komunikazio aurkeztu ziren eta bi txosten.
Besteak beste, aditu hauek izan ziren hizlari: Joseba Lakarra, Joakin Gorrotxategi, Fernando González Ollé, Ricardo Cierbide, Jean-François Courouau eta Philippe Gardy, Jordi Suïls, Jean-Baptiste Coyos, Patxi Oroz, Jean-François Courouau eta Philippe Gardy, August Rafanell, Ana Toledo, Mikel Zalbide, Marie Jeanne Verny, Juan Carlos Moreno, Adolfo Arejita, Elena Chiochetti, Joaquin Rafel i Fontanals, Andoni Sagarna, Patxi Salaberri, Albert Turull, Michel Etchebarne, Andres Iñigo edota Mikel Belasko, beste askoren artean.
Urriaren 10ean, Biltzarraren amaierarekin batera, Henrike Knörr zena omendua izan zen. Omenaldi honetan Andres Urrutia euskaltzainburua, Joan Martí Institut d’Estudis Catalans-eko Secció Filologicaren presidentea, Joseba Lakarra euskaltzain osoa eta Jose Luis Lizundia Euskaltzaindiaren diruzaina mintzatu ziren. Henrike Knörren emaztea eta seme-alabak ere bertan izan ziren. Azkenik, esan behar da “Pirinioetako hizkuntzak: oraina eta geroa” izeneko erakusketa zabalik egon zela Baluarte Jauregian, Biltzarrak iraun bitartean.
Euskera agerkaria
Jakina denez, Euskera agerkaria Euskaltzaindiaren aldizkari ofiziala da eta 1919tik argitaratzen da, nahiz eta aldi horretan zehar bi eten izan dituen: 1938tik 1952ra, batetik, eta 1954tik 1955ra bitartean, bestetik. Historikoki, Akademiaren lanak eta agiriak jaso ditu eta, orobat, hainbat egileren artikulu zientifikoak eta txosten akademikoak.
Euskera agerkariaren hiru zenbaki argitaratzen dira urtero. Horietatik bik -lehenak eta hirugarrenak- Akademiaren jarduerak eta bizitza akademikoa -hizkuntza-arauak eta xedapenak- jasotzen dituzte. Bigarrenak, aldiz, ikerketa-lanak eta ekarpen teorikoak nahiz praktikoak jasotzen ditu. Bigarren zenbaki honen artikulu guztietan sarrera- eta onartze-datak zehazten dira, eta euren laburpena argitaratzen da, lau hizkuntzatan: euskaraz gain, gaztelaniaz, frantsesez eta ingelesez.
Hauek dira gaur aurkeztu diren liburukiak:
- Euskera 2010, 55, 1 liburuak Euskaltzaindiaren bizitza akademikoa biltzen du. Besteren artean, Lourdes Oñederra eta Patxi Uribarren euskaltzainen sarrera-ekitaldietako hitzaldian bildu dira.
Iruñean, Nafarroako Gobernuarekin batera egin zen Euskarazko terminologia juridiko-administratiboari buruzko jardunaldia ere jaso da liburuan, bai eta Onomastika arloari dagozkion irizpen batzuk, zenbait hitzarmen eta Euskararen Herri Hizkeren Atlasaren I. eta II. liburukien aurkezpena ere. Bilbao Bizkaia Kutxa Fundazioa-Euskaltzaindia "Literatura ataria"-ren aurkezpenaren nondik norakoa ere irakur daiteke hemen. - Euskera 2010, 55, 2 liburuak ikerketa-lanak jasotzen ditu. Gai nagusiak hauek dira: Euskaltzaindiaren XV. Jagon Jardunaldiak (Gazteak, aisialdia eta euskara gaiaren inguruan) eta Akademiaren Literatura Ikerketa batzordeak Literaturaren Historiografiari buruz egin zituen jardunaldiak.
Comments
Mila esker.