2103 emaitza *:* bilaketarentzat [141 - 150]
Bermeoko (Bizkaia) Almika auzoko Andre Mariaren ermita XI. mendean eraikitako monasterioa izan zen. Herriaren zaindaria denez gero, lehorte garaian irudia ateratzen zuten, euria eskatzeko. Santuaren eguna irailaren 8an da; egun honetan oinez joaten dira Bermeotik Almika-raino. Orain ahoz Almike esaten diote eta horrela zabaldu da neska-izen moduan.
Andre Mariaren ermita, Sesman (Nafarroa). Egun ermita bada ere, lehen Almuza herri hustuko eliza zen. Irudia XIII. mendekoa da, elizaren garai berekoa. Mendekosteko bigarren egunean erromeria handia izaten zen, baina egiten ziren gehiegikeriengatik debekatu eta irudia elizara eramatea erabaki zuten.
Alodia (es)
Deun-ixendegi euzkotarra (Arana eta Eleizalde, 1910) lanean proposatutako izena. Ikus Alodia.
Alodia (es)
Deun-ixendegi euzkotarra (Arana eta Eleizalde, 1910) lanean proposatutako izena. Germaniar jatorria duen izena da. Luisa eta Aloisa Hlodowig (hold 'loria' eta wid'gudua') gizon izenetik atera dira. Hau Ludovicos eta Aloysius bihurtu zen latinez, eta bigarrenetik Italiako Aloiso (giz.) eta Aloisa (emak.) sortu ziren.
Oñatiko mendilerroa (Gipuzkoa). Punturik garaiena Buetraitz da. Ikusi Buetraitz.
XV. mendetik aurrera zabaldutako Alfontso izenaren emakumezkoen aldaera. 1514an agertzen da, Areatzan (Bizkaia): 'En la torre de dona Mari Alonsa de Butron'.
Alonso (es)
XV. mendean zabaltzen hasi zen Alfontso izenaren aldaera. 1514an Ondarroan (Bizkaia) eta Otxandion (Bizkaia) ageri da, eta 1577an Hondarribian (Gipuzkoa). Bizkaian Alonsotegi herri izena dugu, egungo euskaldunen ahotan Alontzotei deitua. Santuaren eguna urriaren 31n da.
Deba (Gipuzkoa) herriko dorre ospetsua, bertako gertaeretan oinarritutako Alostorreko kantuari esker:
Alostorrea bai, Alostorrea,
Alostorreko zurubi luzea,
Alostorrean nengoenean
goruetan, bela beltzak
Kua! kua, kua, kua leihoetan.
Baztango Lekarozen (Nafarroa) dagoen gaina. Ikusi Altsu.
Corpus onomastiko honetan, hirugarrenen lanen edukiak sartu dira, arloan ospea eta gaitasuna dutelako. Ondorio horretarako, behar diren baimenak eta lizentziak eskatu ditu Euskaltzaindiak, eta, horrenbestez, behar diren jabetza intelektualeko eskubideak eskuratu, oker edo hutsik ezean. Edukiren batek hirugarrenen eskubideak hausten dituela uste baduzu, eman iezaiozu berehala horren berri Euskaltzaindiari (honako helbide elektroniko honetara idatziz: info@euskaltzaindia.eus), beharrezko neurriak berehala har daitezen.