Jagoneteko datu-basea ugalduz doa
- Hizkuntza-zalantzen Jagonet kontsulta-zerbitzuko datu-basean 80tik gora fitxa berri eskegi dira. 2016-2019 urteen bitartean euskal erabiltzaileek Euskaltzaindiari eginiko hizkuntza-galdera behinenen lagin aukeratua da berori.
- Fitxa berri gehienak maila lexikaleko zalantzen ingurukoak dira (e.b., maila berean al daude hemezortzi eta hamazortzi formak? erregealdi bezain egokia al da erreginaldi forma?...); badira ortotipografiakoak ere (e.b., nola adierazi behar dira dezimalak?, nola idatzi behar dira lau digituko zenbakiak (1.200 / 1 200 / 1200?…); baita onomastikakoak ere (izen epizenoen bueltakoak, izen berezi batzuei buruzkoak), eta beste alor batzuetakoak ere.
Idatzi iruzkina