Liburuaren abiapuntua honako hauxe da: 1690. urtearen inguruan, nekazarientzako abere sendakuntzako liburua idatzi zen lapurteraz. Egilea Donibane Lohizuneko kimikari bat zen: Mongongo Dassanza. Liburua egiteko oinarri nagusia L'Agriculture et la Maison Rustique 1583an argitaraturiko lan ospetsua izan zen.
Dassanzaren liburu osoa ez da aurkitu, bai ordea liburu hau oinarritzat hartuz, idatzi ziren lau idazlan. Txomin Peillenek idazlan hauetan ematen diren animaliak sendatzeko errezetak bildu eta ordenaturik ematen ditu, errezeta bakoitzari bere albaitaritzako iruzkina gehituz.
Jardunaldia Maule-Lextarreko Herriko Etxeak antolatzen du. Peillenekin batera Véronique Zenoni osteopata izango da.