Auspoa bilduma ospetsua 1961ean sortu zuen Antonio Zavalak: lehenengo liburuari Sagardoaren graziya izenburua erantsi zion eta bertan Ramon Artola tolosar bertso-jartzailearen bertsoak bildu zituen. Herri literatura biltzeko, ikertzeko, zabaltzeko, egin behar zuen lana hasi baino ez zuen egin urte hartan: Auspoa argitaletxeak bertsolaritzaren eta herri literaturaren zein ahozko literaturaren izen esanguratsuenen lanak argitaratu ditu bere historian zehar, hala nola Txirritarena, Pello Errotarena, Pedro Mari Otañorena, Udarregirena, Errikotxiarena, Xenpelarrena edota Bilintxena. 320 bat liburu argitaratu dira Auspoa bildumaren barruan, bai prosaz eta bai bertsoz, eta horietako ehun libururen egilea izan da Zavala; gainerako guztien eragile, biltzaile, kopiatzaile eta editorea ere izan da. Luxuzko hogeita hiru liburu handi ere argitara eman ditu.
Auspoa ez ezik, beste bilduma bat ere sortu zuen Aita Zavalak, 1993. urtean, Biblioteca de Narrativa Popular izenburupean, oraingo honetan gaztelerazko kontakizunak jasotzeko. Bertan gazteleraz aritzen diren idazle zaharren memoria ere argira ekarri nahi zuen: Indalecio Zaballa, "Masio"; Humbelino Ayape, nafarra; Hilario Jarne; Justo Peña; Daniel Cuesta; Félix Lumbreras; Eloy Tejada... horien guztien kontakizunak jaso ditu aipatutako bildumak.
1956an, Euskaltzaindiak gerra zibilaz geroztik antolatu zuen lehen Biltzarrean, Antonio Zavala bertso berrien argitarapenaz aritu zen. Zavalak herri osoaren partaidetza eskatzen zuen, bertso-paperetan, ahozko oroimenean eta testigantza ezberdinetan, Euskal Herri osoan zehar galdutako milaka bertso berreskuratu eta sailkatzeko.
1961ean Euskaltzaindiak euskaltzain urgazle izendatu zuen eta 1964ko abenduaren 18an euskaltzain oso. Aulki hutsik bat bete zuen: euskararen eta herri-literaturaren alde eginiko lana eskertu nahi izan zion horrela Akademiak. Orduan Euskaltzaindiak antolatzen zituen Bertsolarien Txapelketak eta Zavalari epaimahaikoa izatea egokitu zitzaion. Txapelketako bertsoak paperean jasotzeko eta argitaratzeko eginkizuna ere Zavalaren ardura zen.
La Voz de España eta Diario del Alto Aragón egunkarietan kolaborazioak argitaratu ditu, baita El Diario Vasco egunkarian ere. Antonio Zavala mendizale sutsua izan da.
Sariak:
-Peñamellera Bajako Udaletxearen saria. Asturias, 1996. En la ribera del Cares, Juan Rugarcíarekin batera idatzitako liburuagatik.
-1996 Leongo Urteko Liburu Saria. León, 1997. En la montaña de León liburuagatik, Daniel Cuestarekin idatzia
-Durangoko Liburu eta Disko Azokaren omenaldia. 1996.
-Durango Liburu eta Disko Azokak erakusketa bibliografikoa eskaini zion. 1999
-Labayru Ikastegiak omenaldia egin zion 1997an
-Deustuko Unibertsitateak Honoris Causa doktore izendatu zuen. 1999
-2000. urtean, Tolosako seme kutun izendatu zuten
Argitaratutalo lan batzuk:
a) Auspoa:
-Bilintx. 1962
-Ezkontza galdutako bertsoak (I). 1962
-Txirrita. 1962
-Fermin Imaz. 1963
-Azpeitiko Premiyoaren bertsoak. 1963
-Pello Errotaren bizitza. 1964
-Pello Errotak jarritako bertsoak. 1964
-Festara (Jose Bixente de Echagaray-ren bertso-bilduma). 1964
-Pello Errotaren itzala. 1965
-Pernando Amezketarra bertsolaria. 1966
-Udarregi bertsolaria. 1966. Bigarren argitalpena, 1994an
-Axentxio Txanka bertsolaria. 1966
-Erritkotxia, Itxaspe ta beste zenbait bertsolari. 1966
-Gaztelu bertsolaria. 1966
-Zarautz-ko Zaldubi bertsolaria. 1967
-Juan eta Pello Zabaleta bertsolaria. 1967
-Iru bertsolari. 1967
-Alzoko Imaz bertsolaria. 1967
-Iru anai bertsolari. 1968
-Errenteria'ko bertsolari zaarak. 1968
-Alza'ko bertsolari zaarak. 1968
-Paulo Yanzi bertsolaria. 1968
-Lexo bertsolaria. 1968
-Juan Maria Zubizarreta bertsolari. 1969
-Motza, Zulaika ta Ugalde bertsolariak. 1969
-Iturzaeta bertsolaria. 1969
-Xenpelar bertsolaria. 1969. Bigarren argitalpena, 1981n
-Txapel bertsolaria. 1969
-Alkain aita-semeak. 1970
-Zubeltzu ta Saikola bertsolaria. 1970
-Azkoitiako zenbait bertsolari. 1970
-Bidasoa aldeko bost bertsolari. 1970
-Txirritaren bertsoak, I eta II. 1971
-Zepai bertsolaria. 1971
-Kaskazuri bertsolaria. 1971
-Larraburu, Lexoti ta Balentin bertsolariak. 1972
-Oiartzungo bost bertsolari. 1973
-Oiartzungo beste lau bertsolari. 1974
-Mendaro Txirristaka bertsolaria. 1974
-Zapirain anaiak. 1975
-Ustu ezin zan ganbara. 1976
-Amodiozko penak bertso berrietan. 1976
-Afrika'ko gerra (1859-1960), 1977
-Patxi Erauskin bertsolaria I, II, III. 1978
-Arrantzaleen bizitza. 1978
-Bilintx. 1978
-Baso.mutillak. 1979 (Jose Ramon Arrizabalo zenarekin batera)
-Jaioak bizi nai. 1979
-Noe'ren ontzia. 1979
-Soldaduzkako bertsoak. 1979
-Nekazariak bai miseriak. 1979
-Txabolategi, Elkoro eta Leunda bertsolaria. 1980
-Berridi eta Kuxkullu bertsolaria. 1980
-Gerrateko ibillerak I, II, III. 1981. (Iñaki Alkain zenarekin batera)
-Jan-edanaren bertsoak I, II. 1982
-Kuba'ko gerra. 1983
-Mixioetako bertsoak, I, II. 1983
-Tiro tartean bertsotan. 1983 (Patxi Lazakano zenarekin batera)
-Kristaubidea bertsotan, I, II. 1984
-Ameriketako bertsoak. 1984
-Euskal jokoak bertsotan, I, II. 1984-85
-Esaera zaarren bilduma berria, I, II. 1985
-Neska-mutillen arteko bertsoak. 1985
-Ezkondu beharreko bertsoak. 1985
-Frantziako Iraultza eta Konbentzioko gerra bertsotan. 1989
-Frantzesteko bertsoak, I, II. 1991
-Pedro Maria Otaño: bertso guziak. 1994
-Auspoaren auspoa, I, II. 1996
-Oiñez eta jakin miñez. 1997
-Ezkontza galdutako bertsoak II. 1999
-Auspoaren auspoa, III. 1999
-Oiñez eta jakin miñez, II. 1999
Eta Biblioteca de Narrativa Popular sailaren barruan argitara emandakoak, hogeita bost liburu inguru.
Hona hemen Lazkao Txikik eginiko bertso batzuk: "Arritzen gaitu Aita Zabalak/egin da uzten dun lanak/galtzear zeuden hainbeste bertso/txukun jaso ditu danak/paperetatik bilduak eta/lagun artean emanak/gure izkuntza bizi dan arte/irakurriko diranak".