Euskararen Gramatika

31.1. Perpaus erlatiboak izenaren modifikatzaile adjektibalen artean

31.1a Izen sintagmen ardatz diren izenek hainbat modifikatzaile har ditzakete, formaz askotarikoak baina funtsean eginkizun (adjektibal) bera dutenak (ikus § 14.1a, § 14.1b). Eskuinetik (ondotik), izenondo deritzegun adjektiboak: trinko, gorri, zabal, pozgarri, sarkor… Ezkerretik (aurretik), berriz, alde batetik, postposizio sintagmazkoak: gure, lagunen, aulkiaren (genitibozkoak) eta gainerakoak, -ko postposiziozkoak, hala nola etxeko, biharko, haientzako, zurekiko; eta, bestetik, perpausezkoak, jokatugabeak (-ko postposizioaz eratuak horiek ere: josteko, jositako) nahiz jokatuak: josi duzun.

31.1b Beharbada argigarri da zerrenda horren hurrenkera alderantzikatzea, hartara agerian geratzen baita nola jo daitezkeen gainerakoak perpaus jokatuzkoaren aldaera laburragotzat edo: