Euskaltzaindiaren adierazpenak (1976-2022)

1. Oraingo marko juridikoak ezartzen duen arabera, toponimoen era legitimo eta arauzkoa tokian tokikoa dela adierazi behar da, euskarari dagokion zenbait salbuespen albo batera utziz. Honek guztionek denok behartzen ditu, alegia, pertsona, erakunde eta instituzioak, nahiz eta batzuetan ohiturak aldatu beharra izan.

2. Gure arteko lau hizkuntzetan badira toponimoak, norberaren hizkuntzatik aparteko erabilera propioa dutenak, eta berauek badute, nolabait adierazteko, beren tradizio berezia. Hau guztia kontuan harturik, hau proposatzen dugu, alegia, lau hizkuntzotako instituzio akademikoek gaia iker dezatela, irizpide zientifiko eta legeria berriari men eginez.

3. Bestalde, aspaldion eta Espainia osoan egungo hirigintza berriak ondare toponimikoa desegiten ari direla kontuan harturik, gure kezka bizia agertu nahi dugu. Hau da, tokian tokiko eta jatorrizko toponimia ordezkatzen dutela funtsik gabeko edo eta beste izendapen exotikoak ezarririk.

4. Komunikabideei —prentsa idatziari, telebista, irrati eta enparauei— adierazi nahi diegu, toponimiari dagokionez, beren estilo liburuak egoki ditzatela lege esparru berrira.

1. Antón Santamarina Fernández,

Galizieraren Errege Akademiakoa, Onomastika batzordeburua,

Galiziako Xuntako Toponimia batzordekidea eta

Santiagoko Unibertsitateko irakaslea.

2. Xesús Ferro Ruibal,

Galizieraren Errege Akademiakoa,

Ramón Piñeiro Humanistiketako Ikerketa gunea.

3. Josep Moran Otzerinjauregi,

Institut d’Estudis Catalans-ekoa,

Onomastika bulegoko zuzendaria eta Onomastika batzordeburua

Bartzelonako Unibertsitateko irakaslea.

4. Joan Anton Rabella Ribas,

Institut d’Estudis Catalansekoa,

Onomastika bulegokoa eta

Bartzelonako Unibertsitateko irakaslea.

5. Henrike Knörr Borràs,

Euskaltzaindiaren buruordea, Onomastika batzordeburua

eta Euskal Herriko Unibertsitateko katedraduna.

6. Andres Iñigo Ariztegi,

Euskaltzaindiaren ordezkaria Nafarroan, euskaltzain osoa,

Onomastika batzordekidea eta

Iruñeko Hizkuntza Eskolako irakaslea.

7. Patxi Salaberri Zaratiegi,

Onomastika batzordekidea, euskaltzain urgazlea eta

Nafarroako Unibertsitate Publikoko irakaslea.

8. Jose Luis Lizundia Askondo,

Onomastika batzordekidea, euskaltzain urgazlea eta Euskaltzaindiaren idazkariorde-kudeatzailea.

Bilbon, 2000ko apirilaren 28an.

Euskera, XLV, 2000, 3, 1159-1160.