Ez dago berariazko araurik -(ta)ra atzizkiaren erabileraz. Molde horretakoetan, tradizio handia dute Hegoaldean (-ra) moldeko egiturek: handik hiru urtera edo ni nengoen tokitik lau metrora. Euskaltzainidaren Hiztegian jasotako adibide guztiak -ra moldekoak dira. Estilo-liburuetan ere molde hori gomendatzen da nagusiki.

Horrez gainera, ikus hauek ere: "Denbora adieraztea: -an/-tan (hiru egunean/egunetan), -ra/-tara (bost urtera / bost urtetara)" (JAGONET), "Espazioa adieraztea: -ra/-tara (hiru kilometrora / hiru kilometrotara)" (JAGONET), "Kuantifikazioa adieraztea: leku-denborazko kasuak (zenbat denborako/denboratako?; zenbat kilometrora/kilometrotara?; zenbat egunean/egunetan)" (JAGONET), "Kuantifikazioa adieraztea: leku-denborazkoak (bost minutuan/minututan; zortzi urte hauetan/honetan; bost kilometrora/kilometrotara) " (JAGONET).