Pertsona-izenak

(...)
Hemen larre-ren eratorria den larratza 'lantzen ez den lurra' [Ikus Zareko Iribarren eta Uxueko Busa.] eta atea 'portilua' izan dezakegu, dokumentuetan maiztasun handikoa den z / s nahasketa gertatu bada behinik behin. Alabaina, eta Esatea edo -satea behin baino gehiagotan eriden dugunez (cf. Martisatea Zaren, Esatea Uxuen...) larre gehi -(e)satea 'atea'? (ikus Uxueko Esatea sarreran dioguna)-z osaturik ez ote dagoen pentsa dezakegu. Gaurko Basatea, esan dugun moduan, ez da dokumentazioan agertzen eta beharbada Larrasatea-ren itxuratxartzetzat hartu behar genuke, *Labasatea bezalako forma baten bitartez. Hau, hala ere, balizkako kontu hutsa da.
(...)

(...)
Gaurko Basatea [bàsatéa]-n baso 'oihan'-ren elkarketako aldaera den basa- eta atea 'portilua', 'harratea' dituzkegu, Reta Janárizek idarokitzen duenez [EHZE, 487. Baliteke, alabaina, beste zerbaiten desitxuraketa izatea, dokumentazioko Larrasatea-rena, adibidez (ikus sarrera hau). Urbasan ere Basate toponimoa dugu bizirik.]. Toponimoa euskalduna dela zalantzarik ez dago, baina harrigarria da XX. Mende arteko dokumentazioan ez agertzea (cf., halere, kasu berean dagoen Uxueko Makarreta). Basatea gaurregungo Iribarren-en azpian dago, ibai ondoan. Barranco de Basatea La Concepción ermitatik jaisten da, eta gorago Barranco de la Concepción izena ematen zaio.
(...)