Egitura okerreko esamoldea da <*orduan eta..., orduan eta>, korrelazioan emaniko konparazioa egiteko. Beste molde hauek dira tradizioa dutenak: <zenbat (eta)... -ago {-(e)n/bait-}, (orduan/hainbat) (eta)... -ago>. Zenbatasunaz ari garenez, esamolde guztietan zenbat nahitaezkoa da. Adibideak:
Zenbat (eta) gehiago tratatzen dudan (tratatu), orduan (eta) gehiago estimatzen dut.
Zenbat (eta) diru gehiago bildu, hainbat (eta) hobekiago denontzat.
Zenbat (eta) mesede gehiago, (orduan (eta)) okerrago.
Badira tradizioan balio bereko beste egitura hauek ere:
<zenbat ere... bait-..., ha(i)nbatenaz... -ago>
<zenbate(na)z... -ago, hainbate(na)z... -ago>
<hainbatenaz... -ago, zenbatenaz... -ago>
Badira konparazioa egiteko beste egitura oker batzuk ere:
.
EUSKALTZAINDIA (1999). Euskal Gramatika. Lehen Urratsak V (EGLU V). Bilbo: Euskaltzaindia (433-436).
— (2021). “-AGO atzizkia”, Euskararen Gramatika.