42.12a Lokailutzat hartzen dira, sailkapen honetan, emendiozkoak (gainera, are gehiago…), ondoriozkoak (beraz, orduan…) eta aurkaritzakoak (aldiz, hala eta guztiz ere…). Kontuan har dezagun, zernahi gisaz, hemen ez garela ari EGLU-III liburukiko lokailuez, baizik aurkezten ari garen eskema berri honetan kokatzen ditugun DM hauetaz (konektore ere deituak).
Hona adibide batzuk: Beldur nintzen, gainera, azkenean gertatu ez diren istorioak asmatzen hasiko ote nintzen (Salaburu); Baina ez zaio zintzoa iruditzen. Beraz, analitika eskatzea besterik ez duela egin esan nahi dio, bera dela osasuntsu eta sasoiko eta mardul dagoena (Saizarbitoria); Guztia erakutsi zidan sarjentuak, ona eta pazientzia handikoa izan zen nirekin, baina, hala eta guztiz ere, ez dakit sekula barkatuko diodan (Zaldua).
Lokailuak |
Emendiozkoak |
Gainera… |
Ondoriozkoak |
Beraz… |
|
Aurkaritzakoak |
Aldiz… |