JAGONET galde-erantzunak

Aditzaren jokabidea: zertan ibili/jolastu (pilotan, dendatan, zezenketan, harrapaketan...)

Azkenaldian, piratetara jolastu modukoak entzuten ditut. Zuzena al da zertara jolastu egitura hori?

Euskaltzaindiak besterik arautu artean, tradizioak agintzen du horretan ere, eta tradizioa ZERTAN ibili/jolastu erabiltzearen aldekoa da. Beraz, pilotan ibili/jolastu, piratetan jolastu/jolasten/jolasean eta gisakoak erabiltzea da egokiena: ametan/amaketan, dendatan/dendaketan, zezenketan, harrapaketan, puxtarritan... ibili/jolastu.

Ikus hauek ere: "Aditzaren jokabidea: jolastu, borrokatu (da/du)" (JAGONET), "Aditzaren jokabidea: jokatu, jostatu, jolastu (da/du)" (JAGONET), "Lexikoa: joko/jolas/josteta; jokatu (haur-joko/-jolas; mahai-joko; hitz-joko; tokan jokatu)" (JAGONET).

 

Informazio gehigarria:

Zalantza-mota: morfologia > kasu-markak, lexikoa > lokuzioak/kolokazioak, sintaxia > aditza

Unitate-mota: hitzak-aditzak, hitzak-aditzak > erregimena, lokuzioak/kolokazioak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper