Euskaltzaindiak batasunerako arautu du [EH:jolastu] eta [EH:borrokatu] aditzak da sailekoak direla. Beraz, jolasten gara eta borrokatzen gara dira egitura zuzenak.

Euskaltzaindiak euskalki guztietako erabilerak kontuan hartu ondoren hartzen ditu erabakiak. Beraz, argi balego, galdegileak dioen bezala, bizkaieraz aditz horiek trantsitiboak edo iragankorrak izan direla beti, orduan du sailean ere onartzekoak lirateke. Baina bizkaieraren tradizioa aztertuta ikusten da [OEH:jolastu] eta [OEH:borrokatu] aditzak da sailekoak direla bizkaieraz ere, nahiz eta jolastu aditza du sailean ere agertu adibide batzuetan.

Badira aditz-lokuzioak ere, tradizioan asko erabiliak; baina horiek, lokuzioaren egituragatik beragatik, erabilera iragankorra dute: jolas egin du, borroka egin du, borrokan egin du.

Horrez gainera, ikus hauek ere: "Aditzaren jokabidea: zertan ibili/jolastu (pilotan, dendatan, zezenketan, harrapaketan...)" (JAGONET), "Aditzaren jokabidea: jokatu, jostatu, jolastu (da/du)" (JAGONET).