Zuzena da lehenengoa ―erdi(-)prezioan― euskara estandarrean. Horrela ageri da Euskaltzaindiaren Hiztegian, [EH:erdi1:2] sarrerako adibideetan: erdi(-)prezioan saldu, erdi(-)lanak egin dituzte.

Bigarrenak ―erdi(-)buelta esapideak― zalantza eragiten du. Izan ere, nahiz Orotariko Euskal Hiztegian, [OEH:erdi], horren antzeko forma batzuk ageri diren (erdi-bide, erdi-denbora, erdi-diru, erdi-gaitz, erdi-parte...), gaur egungo idatzietan ez dira ikusten. Gaur egun, ordu-erdi, edo egun-erdi gisakoak baino ez dira erabiltzen, eta, era berean, buelta-erdia. Tradizioan, gainera, buelta-erdia besterik ez dago.