Leku-izenak

(...)
Zaren orain La Corona eta lehen Koroagaña deitzen zen Ezporogiko mugako mendikoa izan daiteke.
(...)

(...)
San Salvador Ezporogiko mugako La Corona-n dago, eta esan dugun bezala ermitaren zaharkinak oraindik ere ikusgai daude bertan. Costalado de San Salvador Koroagaña edo La Corona-ko aldapa zen, eta Sierra de San Salvador mendi hori berori (eta ingurukoak?). Miruaitzeta edo Haitzeko mirua San Salvador-etik hurbil zegoen, herri alderago, eta Regandia eta Iguzkiagerria edo El Carasol-en arteko gaineko haitzen bat zela suposa daiteke (ikus Miruaitzeta sarrera).
(...)

(...)
Corona erdaldunak eta koroa, goroa euskaldunak 'gaina', 'mendia' adiera izan ohi du, eta horixe bera da Ezporogiko mugako La Corona-k duena, gain bat izendatzen baitu (ikus Koroagaña sarrera).
(...)

(...)
Behin bakarrik aurkitu dugu erdarazko La Corona-ren ordain euskalduna den hau. Esan bezala, La Corona Ezporogiko mugako gaina da, eta Nafarroako beste toki anitzetan duen adiera bera du hemen ere ('gaina', 'burua', 'mendia'. Cf. Puerto de Las Coronas Burgi eta Nabaskoze artean, Coroneta Burgin, La Corona Orotz-Betelun [B. Urtasun, TOB, 345. or. Izen zahar oraindik bizia Erratzu edo Eratzu da.], Urzainkin, Izaban [B. Estornés, DTR, 387. or.] eta Mendigorrian [PRA-Kaparroso, 28. k., 1623.], edo gure alderdian, El Coronazo Kasedan [Un pajar...en el termino de la cosera bajo el coronazo", PRA-Kaseda, 57. k., 1846.]). Euskaraz Goroabe dugu Iruñean (< goroa 'koroa' + be 'behe', baina ez da, dakigunez, Iruñerrian berriz agertzen. Zaren koroa- dugu, euskaraz gaurregun ohizkoa (nahiz beste adiera batez) den forma bera alegia, eta toponimiako koroa horren esanahikidea den gaina. Hortaz, ideia bera errepikaturik dagoela [Gaztelaniazko Alto de la Corona-ren antzekoa da.] esan dezakegu, ediren ez ditugun *Koroaondoa eta *Koroapea-ren modukorik ez bazegoen bederen (cf. Eslaban Boiugain, Boiuondoa, Boiuartea...). Gain honetan San Salvador ermita zegoen, eta hortaz 1747ko Sierra de San Salvador gain honekin identifikatu behar da. Oraindik zaharkinak ikusi omen daitezke gailurrean, eta gure informatzaileetako batek [Braulia Goñi andreak.] kontatzen duenez, aitatxik botoiak ekartzen zizkien San Salvador-tik, josta zitezen.
(...)