Leku-izenak

(...)
[-Di, -doi, -dui/-tui/-du atzizkia. Lerga] Arantze 'elorri' [I. Sarasolaren arabera (HLEH) arantza edo arantzea 'zenbait landaretan sortzen diren ziri zorrotzetako bakoitza', nahiz 'elorria' izan daiteke. Egokiena bigarren esanahia ('elorria') dela uste dugu, eta beraz Arantzeduia Leatxen agertzen zaigun Elordi-ren sinonimoa dateke. Guztiarekin ere, baliteke arantzea-k, 'elorri' gabe, Lhandek (DBF) eta Mitxelenak (OEH) ematen dioten 'prunier', 'ciruelo' edo 'haranondo' esanahia izatea, nahiz gu eritzi horretakoak ez garen, "fruitondo" adiera hori Iparraldeko euskalkiei baizik ez dagokiela irudi duenez. Iruñean eta Arakil-Uharten (Eleizalde, LVTV) Arantzadi dugu, Beorburun (PRA-Ihaben, 38. k., 1683) Arantzadia, Gazolatz, Galar eta Zubitzan Lergako toponimotik hurbilago dagoen Arantzedia dokumentatzen da (Jimeno Jurío, TCPCO, 264. or., eta TCPCG, 250. eta 378. orr., hurrenez hurren), Ibiltzietan Aran(t)zedoia (1916ko katastroa), eta Nafarroako beste muturrean, Ameskoako San Martinen, Aran(t)zaduia (1895eko katastroa)] izena eta -duia atzizkia ditugu toponimo honetan.
(...)

(...)
Arantze 'elorri' izena [Lizarraga Elkanokoarentzat ere arantzea-k 'elorri', 'arantza' esanahiak zituen: "O Virgin Ama soberána, ori dá Adánen humeén ártean nola aranceén artean azuzéna", "ondórean oráño ez asperturic Demónioen ta guizón gaichstoficátuen errábia, Onec presumitzen ciá Errégue, cióte, coronazágun: eta forjaturic aranceés uztái guisabát frincatucióte búruan indárrca" (DCC, 142 eta 162. orr.).] eta -duia atzizki multzokaria ditugu hemen. Dena den, Arantze 'elorri'-z gainera 'haranondoa' ere izan liteke (cf. Arantzia < Arantzea 'haranondoa', erronkarieraz [K. Mitxelena, "Contribución al conocimiento del dialecto roncalés", SHLV, 246-272. orr.]). Indusi-ko bidea bertatik pasatzen zela badakigu, eta Pieza de los Beneficiados hemen zegoela ere bai (ikus sarrera hau). Beraz aztertutako Anderenobela-ren ondoan behar zuen, Tafallako bidetik hurbil samar, Indusigibel aldean.
(...)