Leku-izenak

(...)
Kisu 'karea' [Ikus -eta atzizkiari eskainitako atalean dioguna.] izena eta -eta atzizkia ditugu hemen. Ikusten denez, Galipentzun 'galtzina' edo 'karea' adiera duen izenak herskari ahoskabe eta ahostuna duten aldaerak aurkezten ditu: Kisueta / Gisutzea. Ez dakigu non zegoen.
(...)

(...)
[-Eta gure eskualdean. Galipentzu] Gisu 'galtzina', 'karea' izenaren aldaera den kisu [Kisua, Gisua edo galtzina (hondar hau erdal itxuraz) aurkitzen dugu eskualde honetan. Azkueren arabera (DVEF), gisu edo kisu hau 'karea' da, baina kisukintza 'oficio de hacer yeso' dela dio. Larramendik (DT) cal hitzaren euskal ordaintzat, "carea" eta "qisua" dakar, eta "Hyeso"-ren ordainetan quisua eta iyelsoa. Nafarroan (edo Nafarroako eskualde zabal batean, gutxieneko kontuan), dena den, kisua 'karea' da: Ameskoetan kisu(a) dugu (Luciano Lapuente, TAM, 401. or.) Quisuarana eta Quisuarangosaraya (< *Kisuarango saroia?) toki-izenetan. Orotz-Betelun (B. Urtasun, TOB, 342. or.) ere kisu dugu Kaisulapeta toponimoan, eta hau erabat gardena ez bada ere, erdarazko iruzkinak ("hornos antiguos de cal")-k zalantza guztiak desagertarazten ditu. Mezkiritzen Kisulabeko oihan eta Kisulabeko oihanburu ditugu, eta hauek ere kare-labeak ziren (Orreaga Ibarra, MT, 336. or.). Malerrekan ere kisua 'karea' da] eta -eta atzizkia ditugu hemen.
(...)

(...)
Reta Janárizek biltzen duen hau non dagoen ez dakigu [EHZE, 489. or.]. Euskaraz Gisutzea, Kisueta eta Labekoaldea ditugu Galipentzun.
(...)

(...)
[-Tze, -tza atzizkiak. Galipentzu] Toponimo honen osagai gardenak gisu 'kare' izena eta -tzea atzizkia dira. Oinarriaren esanahiari buruz, ikus Galipentzuko bereko Kisueta, -eta atzizkiari eskaini diogun atalean. Gisutzea / Kisueta-n ageri den ahostun / ahoskabe bikoiztasun hau, Mitxelenaren arabera [FHV, 240. or.] hizkuntzan bekatu / pekatu bezalako pareak izateari zor zaio, alegia, honelako bikoteek hizkuntzan justifikazio etimologikorik ez duten hasierako herskari ahoskabeak agertarazi dituzte, etimologikoki zuzenak diren ahostundunen ondoan. Hau da, izan ere, zaharragoa den gisu-ren aldamenean kisu aldaera aurkitzearen arrazoia.
(...)