KALKOA. Zalantza eragiten du esapide kalkatu honek: ?Bere egunean jakingo dugu hori > Bere garaian/sasoian jakingo dugu hori.
egunez/egunaz
Arautu gabe dago, baina literaturan bi moldeak erabili izan dira. Joerak aztertuz, badirudi mendebaldeko hiztunek forma mugagabeak (Egunez dabilena ez da behaztopatzen) erabiltzen dituztela gehienbat eta ekialdekoek, berriz, forma mugatuak (Egunaz egina gauaz desegiten dugularik). [EH]
EUSKALTZAINDIA (1993). Euskal Gramatika Laburra: Perpaus Bakuna. Bilbo: Euskaltzaindia (466).