Kalko desegokiak dira era honetako esaldiak: *Beste egunean hitz egin zuen Legebiltzarrean, es: ‘el otro día’ / fr: ‘l´autre jour’ esapidearen kalkoz.
Iraganari begira eginiko erreferentzia bada, mugatua behar du: Lehengo egunean / Joan den egunean / Lehengoan / Aurrekoan... hitz egin zuen Legebiltzarrean.
Etorkizunari begira eginikoa bada, berriz, zehaztugabea behar du: Beste egun batean (batez, baten) hitz egingo du Legebiltzarrean.
EUSKALTZAINDIA. “Denbora adieraztea: lehengo (lehengo egunean / *beste egunean)”, Jagonet galde-erantzunak.