Euskara Batuaren Eskuliburua

aurre-

aurre-

Loturik idazten da aurre- erdi-aurrizkia: aurrealde, aurreidazketa, aurreiritzi, aurrelan, aurrekontu, aurreikuspen, aurreproiektu, aurrezenbaki... ( hitz elkartuen osaera eta idazkera)

(Molde berean —loturik, alegia— moldatzen dira azpi- eta gain- duten izen-elkarteak ere).

 

Beti ez du balio pre- aurrizki latindarraren ordain gisa; esaterako, *aurredenboraldi, *aurrekanpaina, *aurrehistoria... ez dira egokiak. Beste aukera batzuk dira baliagarri horietan: denboraldi-aurre, kanpainaurre, historiaurre...

Bigarren osagaia da elkartearen ardatza aurre- lehen osagai duten hitz elkartuetan; aurre- aurrizkiak lekua edo denbora ematen du aditzera: aurrealdea, “aurreko aldea”; aurreidazketa, “aurreko idazketa”; aurreirakurketa, “aurreko irakurketa”; aurreiritzia, “aldez aurretiko iritzia”... Beraz, “aurreko denboraldi” da aurredenboraldi hitzaren esanahia, eta hori ez dator bat adierazi nahi denarekin. [25. araua; EH]

 

Gehiago jakiteko

EHUko Euskara Institutua (2012). "Aurredenboraldi”. “Aurrekanpina", Kalkoen Behatokia.

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper