EODA osoa

(...)
Nomenc. Guip. delakoan hurrengo baserri-izena agertzen zaigu: Gorostarrazu Gabirian, eta bada Gorostarzu ere Baliarrain-en [19. oin oharra: Badira baita-ere Gorostorzu Gaintzan, Gorostardi Irun-en, Nomenc. Guip., agian bigarren elementutzat beste zerbait duketela, lehenengoan bederen erraturik ez baldin badugu]. Eta, izan-ere, in situ laburturik Kortzu gaako eta azpi deitzen diete Gabirian, bi baitira, bertako Udaleko neska gazte batek jakinerazi didanez. Beraz, inor ager baledi deitura honen izkribatzeko modua Espainia-peko juzgaturen baten aldatu nahi lukeenik hala egin lezakeela uste dut, legearen aurrean eskubidea aitortzen baitzaio euskal graphiaz eman dezan, hau da, -tzu duela azken syIlaban. Baina nahi ez balu ere ez da ezer gertatzen. Eta, egia erraiteko, batzuek deituretan graphiak alda balitzate eta besteek ez, -eta askok eta askok ez duela inolako aldaketarik egingo pentsa daiteke, gogoan baldin badugu, gainera, deiturok maiz atzerrietan ere irauten dutela-, bikoiztasuna sortuko litzateke, jadanik deiturek batez ere izkrituraren bidez egiten baitute gurasoetarik seme-alabetarako transmisioa. Familiak berak ere, ordea, multiplikatu egiten dira, eta bestetarako ez bada ere bereizketarako behintzat balioko luke, eta agian hizkuntzaren historia sakonago ezagutzen hasteko ere bai
(...)

(...)
Nomenc. Guip. delakoan hurrengo baserri-izena agertzen zaigu: Gorostarrazu Gabirian, eta bada Gorostarzu ere Baliarrain-en [19. oin oharra: Badira baita-ere Gorostorzu Gaintzan, Gorostardi Irun-en, Nomenc. Guip., agian bigarren elementutzat beste zerbait duketela, lehenengoan bederen erraturik ez baldin badugu]. Eta, izan-ere, in situ laburturik Kortzu gaako eta azpi deitzen diete Gabirian, bi baitira, bertako Udaleko neska gazte batek jakinerazi didanez. Beraz, inor ager baledi deitura honen izkribatzeko modua Espainia-peko juzgaturen baten aldatu nahi lukeenik hala egin lezakeela uste dut, legearen aurrean eskubidea aitortzen baitzaio euskal graphiaz eman dezan, hau da, -tzu duela azken syIlaban. Baina nahi ez balu ere ez da ezer gertatzen. Eta, egia erraiteko, batzuek deituretan graphiak alda balitzate eta besteek ez, -eta askok eta askok ez duela inolako aldaketarik egingo pentsa daiteke, gogoan baldin badugu, gainera, deiturok maiz atzerrietan ere irauten dutela-, bikoiztasuna sortuko litzateke, jadanik deiturek batez ere izkrituraren bidez egiten baitute gurasoetarik seme-alabetarako transmisioa. Familiak berak ere, ordea, multiplikatu egiten dira, eta bestetarako ez bada ere bereizketarako behintzat balioko luke, eta agian hizkuntzaren historia sakonago ezagutzen hasteko ere bai
(...)

(...)
Berdintsu gertatzen da etxe-izenetan toponymo berak hurrengo argigarriren bat daramanean -gorago etxe-izen ez direnetan ere ikusi dugu-: Goitia / Beitia, Goikoa (Goikoetxea) / Bekoa, Goieaskoa (Goieaskoetxea) / Beaskoa (Beaskoetxea), Go(i)ena (Go(i)enetxea) / Barrena (Barrenetxea), Go(i)enengoa / Barrenengoa (Barrenengoetxea), Onaindia / Araindia, Aruzkoa / Onuzkoa, Garaia / Beherea, Ga(i)nekoa eta Goitikoa / Azpikoa (Azpitikoa) (Azpikoetxea), Garaikoa (Garaikoetxea) / Beherekoa, Aurrekoa (Aurrekoetxea) /Ostekoa (Osteikoa, Ostaikoa, Ostenkoa, Ostaikoetxea) [142. oin oharra: Eta baita Osteingoechea ere, Fog. 1704, Gatikan] eta Atzekoa (Atzekoetxea), Emetikoa (Emendikoa) / Andikoa (Andikoetxea), Zaharr(a) / Berri(a) (Barria), Erdikoa, Aurtena (Aurtenetxea), Aurtenekoa, Aurtenengoa, Auzokoa (Auzokoetxea), Urrutia (Urrutikoetxea, Urritikoetxea), Bengoa (Bengoetxea / Beingoetxea) (Beingoa), Goia, Ga(i)na, Bein, Beina (Beiña) [143. oin oharra: Bada Beinacoa baserria Ipazterren, Fog. 1796, aurretik finkaturiko Beina formari artikulurik kendu gabe sorturikoa, agian pertsona bati hala deitzen zitzaiolako, gaztelaniaz '(la) casa de Beina' litzateke formazio derivatuaren itzulpen jatorrizkoa], Azpia, Bitarte, Aurre, Aldea, Aldekoa, Basterra (Basterretxea), Zearra, Etxenagusia, Urrengoa, Errota, Etxaun, Soloa, Zelaia, Buru, Arte, Ondo, Uriarte, Arteetxe, Saletxe, Abeletxe, Jauregi, Torre(a) (Torretxea), Etxabarria, Etxatxua, Ormaetxea, Nagusia (Etxenagusia), Andia (Etxeandia) / Txiki(a), Txikerra, eta baita -txu edo -txo berrekailu diminutivoa ere bestea baino tipiagoa dela adierazteko, eta horren ondorik Txikerrena, eta abar. Badira Urazurrutia eta Urazandi ere, bigarrenak kasuren baten Urazemendi ere izan dezakeela, uren nongo aldetik begiratzen den [144. oin oharra: Hori gertatzen da Deban, uraz bestaldean dagoen etxeari Urazandi deitu izan baitzaio, baina Mutrikuarrek Urazemendi. Hala erran zidan Gerardo Elortza irakasle eta ene adiskide on denak]. Batzutan dokumentazioan ikusten da Goitia bat Goikoa bihurtu dela, eta Beitia berriz Bekoa. Dokumentazioa mapetan jarririk agian zerbait argituko litzateke khronologiari dagokion arazoa. Horretarako gai asko bildu beharko litzateke aurretik
(...)