(...)
Euzko Gudariak // Izen osoa: Euzko Gudarien etorbidea / Avenida Euzko Gudariak // Ondiz auzoan hasi eta Iparragirre etorbidean amaitzen da. // 2011ko martxora arte Txabi eta Joseba Etxebarrieta etorbidea izena zuen, baina epailearen aginduz aldatu behar izan zuen udalak eta 1936-39ko gerran parte hartu zutenak omentzeko Euzko Gudariak izena eman zion. // Txabi Etxebarrieta (Bilbo, 1944 - Tolosa, 1968). Diktaduraren aurka borrokatu zen, eta 1968an Jose Pardines guardia zibila Villabonan hil eta gero Bentaundin hil zuten beste tiroketa batean. Hurrenez hurren ETAk hildako lehenengo pertsona eta hildako lehenengo ETAkidea izan ziren. // Joseba Etxebarrieta (Bilbo, 1940 - 1973), aurrekoaren anaia, Burgosko prozesuan Xabier Izko de la Iglesiaren abokatua izan zen eta diktaduraren kontrako borroka armatuaren ideologotzat jo izan da. // Diktadura garaian Rafael Cervera izena zuen kale honek. Ez dakigu zein Cervera izan zen hau. Melillara bere itsasontziarekin Francoren matxinatuekin bat egitera joaten saiatu zen Sánchez Barcaiztegui itsasontziarekin eta epaitu eta gero fusilatu zutena ala Baleares itsasontzian hil zen alferez bat, edo baliteke beste hirugarren bat izatea
(...)
Corpus onomastiko honetan, hirugarrenen lanen edukiak sartu dira, arloan ospea eta gaitasuna dutelako. Ondorio horretarako, behar diren baimenak eta lizentziak eskatu ditu Euskaltzaindiak, eta, horrenbestez, behar diren jabetza intelektualeko eskubideak eskuratu, oker edo hutsik ezean. Edukiren batek hirugarrenen eskubideak hausten dituela uste baduzu, eman iezaiozu berehala horren berri Euskaltzaindiari (honako helbide elektroniko honetara idatziz: info@euskaltzaindia.eus), beharrezko neurriak berehala har daitezen.