Leku-izenak

(...)
Dok.: Arrechea XVII-XIX. mendeetan; Arretchea, Arretxea XX.ean. Orain urte batzuk jabeak saldu egin zuen. Gero, jabe izanaren alabak bertze etxe bat eraiki zuen hortik hurbil, goitixeago, eta Arretxea eman zion izen, lehengoari eutsiz. Ondotik, Arretxea zaharraren erosleak etxe berria hor bertan jaso, eta Arretxeberria izena paratu zion (ikus ondoko sarrera). // Ebakera: Arrétxià. // Kokalekua: Jauregieta auzoan da, Arretxeberriaren ondoan. // Etimologia azalpena: Osagaiak harri-ren elkarketako aldaera den har- eta etxea dira, hots, ‘harrizko etxea’ adiera du. Honen arrazoia behiala gure etxe gehienak zurezkoak izanik harrizkoa nabarmena gertatzea da (cf. Telletxea).
(...)