(...)
Ega hibaiaren harro zabalean kokatzen da Lizarrako merinaldea, Nafarroako erreinu ohiaren seietako bat. 1.407rarte bost ziren oso egoki eginak: "Montaña", Sankoza, "Ultrapuertos", Erribera eta Lizarra. Erregeren kapritxoz sortu zen seigarrena. Olitekoa, alboetakoei -batez ere Erribera eta Lizarrakoei- zatiak kendurik. Herrialde zatiketa honi jarraituko diogu, gaur ere hori erabiltzen baitu Nafarroak [...] Mendialdea, Iruñeko merinaldea // Merindad de las Montañas edo de la Montaña deitua, gero Iruñekoa; gaur hiriburuaren hauzitegi alderdi berbera osatzen du. 2.450 km2 eta 232.920 bizilagun, 77 udaletan, 23 haran, 5 *zendea eta Iruñeko hiria, sei alderditan. Diputazioak Nafarroako eskualdekatzea egin aurretiko alderdi zatiketa historikoari jarraituko diogu bestean bezala, baina zerbait aldaturik. Aldakuntzak aipatuko ditugu. // lruñerria, Gonka, deitzen zaio zendeen eskualde honi. Iruñe bera eta Ansoain, Iza, Zizur, Galar eta Oltza, zendeekin osatzen da. Hemen zatiketa historikoari aldakuntza bat egin diogu: lehen partido edo alderditik Ilzarbe harana atera dugu, eta bigarreneko Oltzako zendea sartu. Inguru hori pixka bat ezagutzen duenak argi ikusiko du horren arrazoia. Elizak arciprestazgo de la Cuenca osatzen du zendeekin. Eta zer dira zendeak? Herri mordoxka baten elkarte bat, udal bat osaturik. Jenaro Iraizoz Unzue-k, Navarra.-Temas de cultura popular.-123 Iiburuxkan ederki azaltzen du eskualde hau. Azalpen hauek guk nahi baino laburragoak izan behar dutenez, irakur bedi liburu hori. Eskualde hontan sar daitezke, lehen aipatu bezala, Egues, Ibargoiti, Aranguren, Elortz eta Unziti. // Baina eskualde honen ardatza Iruñe (lruine?) da. Eta ezin gaitezke ardatz hori aipatu gabe igaro, Euskal Herriaren bihotza baita. Lizarrako Estatuto hartan, eta hiru mende lehenago Johanes Etxeberri Ziburukoak esan bezala, Euskal Herriaren hiri buruzagia da. Ez dugu hori asko gogoratzen eta gutien, beharbada, nafarrek eta iruñarrek. Iruñek azken kontaketan, 1970.ekoan, 147.168 bizilagun zituen. Hiriburua eta eskualde guztia industrializatzen doa pausu ikaragarriz. Honek beste bizitasun bat eman dio hiri lebitiko horri; orain hirigintza egoki batek *ganorazko handitze bat emango ahal dio berari eta bere eskualde horri. // Bost zendeok eta hiriak 258,76 km2 dituzte eta 161.596 bizilagun. // Etxauri eta Ollo haranekin bakarrik gelditzen gara, lehengo bigarren alderdiarekin: Gulina harantxoa -Izako zendeak irentsi baitzuen aspaldi eta Olza zendea Iruñaldean sartu baitugu. Llzarbe, berriz, hona pasatzen dugu. Arakil ordea, hirugarrenekorako uzten dugu. Etxauri, Ollo, Ilzarbe eta, geografiaz Lizarrako merinaldekoa den Goñirekin eskualde bat osa daiteke, behinolako bigarren alderdia baino egokiagoa. Lizarra eta Iruñe bitartean transizio eskualde bat da, eta Ilzarbe bera "Perdón" aldatzaren bestaldean, era batetan behintzat, Lizarrari begira dago; horregatik sartuko zuen diozesi zatiketak Lizarrako herrialdean. Eskualde honek 243,98 km2 eta 6.221 bizilagun ditu. // Ollo haranako bederatzi herrixkek udal bakar bat osatzen dute. Etxauri haraneko udalak Belaskoain, Ziritza, Etxarri, Etxauri, Bidaurreta eta Zabaltza dira. Ilzarbe haranekoak hamaika hauek: Muruzabal, Obanos, Adios, Añorbe, Biurrun-Olkotz, Eneritz, Legarda, Tirapu, Ukar, Uterga eta Gares (Puente la Reina). Azken herri hau bakarrik da pixka bat kaskondua, Iruñe-Lizarra-Logroño bidean, Argaren ibarrean zerbait hazteko aukera ona duena. Besteak baserri herri hutsak, husten doaz. // Burunda, Ergoiena, Arakil haranek osatzen dute hirugarren alderdia; ez baitago dudarik Arakil, lehen beste batean bazegoen ere, gaur eskualde hontan hobeki dagoenaz. Eskualde honi "Barranca" izen gaiztoa zabaltzen ari zaio, Sakana euskal izenaren ordez. Burundan sei herri daude, bakoitza bere udalarekin: Ziordia, Olazagutia, Altsatsu, Urdiain, Iturmendi eta Bakaikoa. Ergoienako hiru herriak udal bakarrean elkartzen dira. Arakilen ordea, hamalau herri udal batean elkartzen dira, Irurtzun herri nagusia delarik; eta gero, "hiri separatu" bezala Irañeta, UharteArakil, Arruatzu, Lakuntza, Arbitzu eta Etxarri-Aranatz. Eskualde hau Euskal Herriko tokirik egokienean dago: Iruñetik Bilborako bidean, eta Gipuzkoa, Araba eta Egaaldearekin muga egiten duelarik. Bide azpiegiturak ere ongi laguntzen dio. Sakanak berehala behar du hirigintza on bat bere desarroiloaren oinarriak ongi jartzeko. Gainerakoa etorriko zaio, industriak etortzen ari baitira. Eskualde honek hiru ardatz herri ditu: bide gurutzetako Irurtzun eta Altsatsu eta erdian, zerbitzu hiri bezala, Etxarri- Aranatz. 328,82 km2 eta 19.578 bizilagun ditu eskualde honek. // Imotz, Basaburua Nagusia, Larraun, Basaburua Gutia eta Araitz haranek osatzen zuten laugarren herrialde hontako alderdia. Lekunberri herri nagusitzat harturik, eskualde honek badu hizkuntzaz eta ekonomiaz homogeneitasun bat. Imotzeko haranak udal bakarra egiten du bere zortzi herrixkekin, Etxaleku buru delarik. Era berean Basaburua Nagusiak bere hamabi herrixkez, Jaunsarats hiriburu duelarik. Eta Larraunek, bost haranen erdian hamabost herrixka ditu eta buru, Lekunberri. Basaburua Gutia haranaren batasuna deseginik dago, eta geografiaz behin ere ez da izan haran bat, hiru harrotan baitaude honen herri historikoak, Oria, Urumea eta Bidasoakoetan. Leitze, Areso, Goizueta eta Arano uzten ditugu Basaburu Gutian; Ezkurra, Erasun, Saldias eta Labaien Baztan-Bidasoa eskualderako utziaz. Araitz haranak udal bat du, baina bere eremuan Betelu hiri separatua duelarik. Aiderdi honek 467,79 km2 ditu eta 10.027 bizilagun. Gipuzkoaren hurbiltasuna aprobetxatzen badu, etorkizundun eskualdea. Dagoenerako Leitzan-eta ola batzuk jarriak dira, orainarteko baserri gizarte egiturak aldatzeko arriskuan. // Atez, Odieta, Anue, Olaibar, Ezkabarte, Txulapain eta Ultzama zazpi haranak, Iruñeren Ifarraldean; denak udal bakarrekoak, Anue izan ezik: hemen udal haranetik at Lantzeko hiri separatua baitago. Merinaldeko bostgarren herrialdea egiten zuen alderdi honek 307,99 km2 ditu eta 4.553 bizilagun. Ez du batasun gehiegirik, eta Iruñeren hurbiltasunak hona jo erazten ditu harreman guztiak. Baserri herri hutsak ia denak. // Baztan-Bidasoa eskualdean, Baztan berak, Bertizaranak, Leringo Doneztebek eta Mendialdeko Bortziriak osatzen zuten merinaldeko seigarren alderdia, oso egoki egina, Bidasoa harroko haranak hartuaz. Baztanek udal bakarra, baina hamabost herri ditu, Elizondo hiriburu duelarik. Ezinbestean-edo, Zugarramurdi eta Urdazubi udalak baztandartzat jotzen dira, nahiz eta Otsondo lepoaren bestaldean egon eta lapurtarrago izan. Bertizaranako hiru herritxoek udal bakarra egiten dute. Leringo Doneztebe haraneko herriek bakoitzak bere udala dute, eta hauek dira: Doneztebe bera (Santesteban), Elgorriaga, Donamaria, Ituren, Oitz, Urroz, Zubieta eta Sunbilla. Gaur haran hontako bezala jo daitezke Labaien, Saldias, Erasun eta Ezkurra ere, harro berberean baitaude. Mendialdeko Bortziri edo Bost Hiriak, Igantzi, Etxalarre, Lesaka, Arantza eta Bera dira. Eskualde honi Baztan-Bidasoa izenez deitzen hasiak dira eta ez dago gaizki jarria. Herririk gotorrenak Elizondo, Lesaka eta Bera badira ere, eskualdearen zerbitzu hiriburua Doneztebek izan beharko du, erdian dago eta. Laurak industrializatzen hasiak dira, Diputazioaren poloei esker. Baztan-Bidasoa eskualde hau XVI. Menderarte Baionako diozesikoa zen, eta hizkuntzaz ere gehienbat lapurtarra da. Gaur ere, Estatuaren mugak, eta historikoak ere, besterik adieraziarren, badu nolabaiteko lapurtartasun bat. Baztan-Bidasoak 835,71 km2 eta 22.491 bizilagun ditu
(...)
Zer: Merindadea
Non: Nafarroa
Jatorria:
LIZ.LUR